فلسطین خاریجی ایشلر ناظیری تورکیه‌ده سفرده‌دیر
"تورکیه غزه‌یه انسانی یاردیمی سپتامبر آیی عرضینده گؤندرمه‌یی پلانلاشدیریر"
تورکیه‌نین احتیاجی اولان بوتون فلسطینلیلره کؤمک‌لیک گؤسترمکده داوام ائده‌جگینی وورغولایان باش ناظیر بینالی ییلدیریم فلسطین‌ده میللی راضیلیغین قورونماسی‌نین داشیدیغی اهمیته توخوندو.
"تورکیه غزه‌یه انسانی یاردیمی سپتامبر آیی عرضینده گؤندرمه‌یی پلانلاشدیریر"
بونو باش ناظیر بینالی ییلدیریم آنکارادا سفرده اولان فلسطیننین خاریجی ایشلر ناظیری ریاض المالکی‌نی چانکایا کؤشکونده قبولو زامانی دئدی.
باش ناظیر قبول زامانی دئدی کی، فلسطین خالقی و دؤولتی‌نین اوغورسوز چئوریلیش جهدی قارشی‌سیندا تورکیه‌یه وئردیگی دستک فلسطین و تورک خالقی آراسینداکی دوستلوق علاقه‌لری‌نین آچیق گؤستریجی‌سی‌دیر. تورکیه‌نین فلسطین مسئله‌سینه و خالقینا ایندیدک وئردیگی گوجلو دستک، گله‌جک دؤورده آرتا‌راق داوام ائده‌جک‌دیر. تورکیه‌نین غزه‌یه ائدجگی یئنی انسانی یاردیمین قوربان بایرامینا گؤره سپتامبر آییندا باشلادیلماسی پلانلاشدیریلیر.
تورکیه‌نین احتیاجی اولان بوتون فلسطینلیلره کؤمک‌لیک گؤسترمکده داوام ائدجگینی وورغولایان باش ناظیر بینالی ییلدیریم فلسطین‌ده میللی راضیلیغین قورونماسی‌نین داشیدیغی اهمیته توخوندو.
فلسطیننین خاریجی ایشلر ناظیر ریاض المالکی ده اؤز نؤوبه‌سینده فلسطین دؤولتی و خالقی‌نین 15 ژوئیه‌ده تورکیه‌ده باش وئرن خاین چئوریلیش جهدینه رئاکسیاسینی گؤستره‌رک تورک خالقی‌نین و حکومتی‌نین یانیندا اولدوغونو بیلدیردی.
تورکیه‌نین فلسطین مسئله‌سینه وئردیگی دستک‌ین فلسطین دؤولتی و خالقی‌نین نظرینده چوخ دیرلی اولدوغونو دیله گتیرن مالکی غزه‌یه ائدیلن انسانی یاردیم‌لاردان دا بؤیوک ممنونلوق دویدوق‌لارینی سؤیله‌دی.
قوناق ناظیر آنکارا‌داکی گؤروش‌لری زامانی خاریجی ایشلر ناظیری مؤلود چاووش اوغلو ایله ده بیر آرایا گلدی.
چاووش اوغلو گؤروشدن سونرا تشکیل ائدیلن مطبوعات کونفرانسیندا دئدی کی، ایسرایل ایله علاقه‌لرین نورماللاشما پروسئسینده فلسطین و غزه‌یه یاردیم‌لار آرتا‌راق داوام ائده‌جک‌دیر.
چاووش اوغلو باشدا فلسطین دؤولتی رهبری محمود عباس اولماقلا فلسطین خالقی و رهبرلیگینه فتح الله چی ترور تشکیلاتی پارالل دؤولت یاپیلانماسینین (فئتو/پ.د.ی) 15 ژوئیه ده کی چئوریلیش جهدی زامانی و داها سونرا گؤستردیک‌لری دستک و هم رای‌لییه گؤره ده تشککور ائتدی.
تورکیه‌نین ایسرایل- فلسطین مسئله‌سینده هر زامان ایکی دؤولت‌لی حل یولوندان طرف اولدوغونو وورغولایان چاووش اوغلو بوندان سونرا دا همین ایستیقامت‌دکی سعی‌لرین داوام ائدجگینی بیلدیردی.
فلسطیننین خاریجی ایشلر ناظیری ریاض المالکی ده تورکیه ایله فلسطینی بیر- بیرینه باغلایان چوخ گوجلو بیر باغ اولدوغونو سؤیله دی.
تورکیه ایله فلسطین آراسیندا اورتاق ناظیرلر کابینتی فیکری اولدوغونو خاطیرلا‌دان مالکی دئدی کی، بو دوشونجه‌نین حیاتا کئچیریلمه‌سیله علاقه‌لر داها دا گوجلنه‌جک و موناسیبت‌لری داها دا یاخشی بیر نقطه‌یه آپارماق مومکون اولا‌جاق.
