قربان بایرامین‌دان اؤنجه غزه‌یه یئنه یاردیم گؤندریله‌جک

باش ناظرین معاوینی وئیسی کایناک قربان بایرامین‌دان اؤنجه (12-15 سپتامبر) غزه‌یه گمی ایله یئنه یاردیم گؤندریله جگینی بیلدیردی.

وئیسی کایناک ژورنالیست‌لرین تورکیه-ایسرایل علاقه‌لری‌نین نورماللاشما پروسئسی حاقین‌داکی سئوالینا جاوابن، ایکی اؤلکه‌نین حکومت‌لری آراسیندا "ماوی مرمره" گمی‌سینده باش وئرن حادثه‌دن سونرا علاقه‌لرین دایاندیریلدیغینی خاطیرلادا‌راق دئدی کی، تورکیه علاقه‌لره یئنی‌دن فعال‌لیق قازاندیریلماسی مقصدی ایله بیر سیرا شرط‌لر ایره‌لی سورموشدو. راضی‌لیق الده اولونماسی اوچون بو شرط‌لر یئرینه یئتیریلدی و ایسرایل طرفی غزه‌یه ائدیله‌جک انسانی یاردیم‌لارین تورکیه‌نین کووردیناسیاسی ایله چاتدیریلماسینی قبول ائتدی.

بو آددیم نتیجه‌سینده 7 ایلدن بری‌دیر محاصره‌ده یاشایان 1 میلیون 800 مین اینسانا رامازان بایرامین‌دان اول 11 مین تون ارزاق گؤندریلدیگینی خاطیرلا‌دان وئیسی کایناک دئدی کی، ایسرایل دؤولتی گؤندریلن یاردیمین گمی‌دن بوشالدیلماسی اوچون جدی سعی گؤستردی. یاردیم‌لارین غزه اهالی سینه پایلانماسی ایشی ایسه هله ده داوام ائدیر. قربان بایرامین‌دان اؤنجه ده عینی میقداردا یاردیم یئنه گمی ایله گؤندریله‌جک.