تورکیه پنجره‌سیندن اورتاندوغو(38)
عرب باهارینین آیاقدا قالان تک دموکراتیک چئوریلمه‌سی‌نین یاشاندیغی تونیس اولدوقجا جدی اقتصادی و امنیت چتینلیکلریله قارشی-قارشییا
تورکیه پنجره‌سیندن اورتاندوغو(38)
عرب باهارینین آیاقدا قالان تک دموکراتیک چئوریلمه‌سی‌نین یاشاندیغی تونیس اولدوقجا جدی اقتصادی و امنیت چتینلیکلریله قارشی-قارشییا. یئنی حکومتی قورماقلا وظیفه‌لن‌دیریلن باش ناظیر یوسوف شاهیدین میدانا گتیرمیش اولدوغو میللی بیرلیک حکومتی 26 آوقوستدا 22 رد رای‌نه قارشی‌لیق 127 بلی رای ایله پارلامنت‌دن گووئن رایی آلدی. شاهید حکومتی، 2011 اینقیلابین‌دان بری یارادیلان یئددینجی حکومت. موستقیل تکنوکرات کئچمیش باش ناظیر حبیب اسید حکومتی، اقتداردا قالدیغی 18 آیین سونوندا، خصوصیله اقتصادی ساحه‌ده گؤسترمیش اولدوغو ضعیف پرفورمانسی سببیله پارلامنت‌دن اعتبارسیزلیق اویو آلماسی نتیجه‌سینده سونا چاتمیشدی.
شاهید طرفین‌دن یارادیلان میللی بیرلیک حکومتی تونیس تاریخی‌نین ان قاپساملی حکومتی اولماق کیمی بیر خصوصیت کسب ائدیر. نیدا تونیس پارتیسی ایله نحضه‌ده پارتیسی‌نین میدانا گتیرمه‌سی اولابیله‌جک بیر کوالیسیون مجلیسده ازیجی بیر اکثریتینی ایچه‌ردیغی حالدا شاهید بوتون سیاسی و اجتماعی قروپلاری ایچه‌رن بیر میللی بیرلیک حکومتی قورماغی اوستون ائتدی. بو سئچیمین آرخاسیندا تونیس‌ین قارشی-قارشییا اولدوغو اولدوقجا جدی پروبلم‌لر و آلماسی لازیم اولان رادیکال قرارلار وار. آنجاق اؤلکه‌نین سیاسی چکیشمه‌لر و ساواشلارلا کئچیره‌جک چوخ واختی یوخدور. بو سبب‌دن بوتون قروپلارین الینی داشین آلتینا قویماسینی طلب ائدن بیر سیاسی اقتدارین یارادیلماسی آز قالا تک چاره کیمی گؤرونوردو.
دئمک اولار کی، هر سیاسی قورولوش ایچینده باریندیرما تلاشی ایچینده اولان یئنی حکومت عینی زاماندا نیسبتن گنج اولماسی و سککیز قادین ناظیردن تشکیل اولماسی ایله ده دقتی چکمکده.
گووئن اویلاماسی اوّلینده ائتمیش اولدوغو چیخیشیندا شاهیدین بو خوصوص‌لار اوزرینه خصوصیله وورغو ائتمه‌سی دقت چکیجی ایدی:
- شفاف‌لیق و تونیس خالقینا قارشی حساب وئرمه مسئولیتی،
- موجود بحرانین ایچین‌دن چیخیلماسی اوچون اقتصادی و امنیت ساحه‌سینده آغیر تدبیرلرین آلینماسی،
- آغیر تدبیرلرین آلینماسیندا اساس هدفین سیاسی ثابیتلیگین تامینی اولماسی و
- 2011 اینقیلابی‌نین دموکراتیک روحونا هر زامان صادق قالیناجاغی.
یئنی کابینه‌ده دقتی چکن بیر باشقا خوصوص، بیر اوّلکی حکومتین ساوونما، ایچ ایشلر و خاریجی ایشلر ناظیرلری‌نین یئرلرینی قوروماسییدی. بو وضعیت بیر معنادا بیر اوّلکی حکومتین امنیت ساحه‌سینده قید اولدوغو ترققی‌نین قبولو معناسینی دا گلمکده ایدی. آنجاق اؤلکه‌نین خصوصیله یوخسول بؤلگه‌لرینده تأثیرینی گؤسترمه‌یه داوام ائدن القاعده علاقه‌لی شدت حرکت‌لری وضعیتین وخامتی‌نین اورتا‌دان قالخمادیغینی دا گؤستریردی. تونیس 11،5 میلیون اها‌لییه صاحب؛ اما شما‌لی آفریقا اؤلکه‌لرین‌دن داعشه ان چوخ دؤیوشچونون تونیس‌دن قاتیلدیغینی دا گؤروروک.
تونیس‌ین ایچینده اولدوغو اقتصادی چتینلیگین ان بؤیوک گؤستریجی‌لرین‌دن بیری‌نین بو موقعیت‌لره تعیین اولونموش شخص‌لرین اولدوغو سؤیلمه‌میز مومکون. مالیه ناظیرلیگینه وئریلیر لامیا زریبی بانک سکتوروندا کاریئرا ائتمیش اهمیت‌لی بیر شخصیت. ایقتیصاد ناظیری سلیم شاکیر ایسه اسکی دونیا بانکی دانیشمان‌لارین‌دان.
تونیس ایقتیصادی بؤیوک اؤلچوده توریزمه باغلی وضعیتده. 2011-جی ایلده بری داوام ائدن غیری-ثابت‌لیک و آرتان ترور حرکت‌لری اؤلکه‌نین بو حیاتی سکتورونا چوخ بؤیوک ضربه وورموش وضعیتده. آیریجا اوروپا بیرلیگیله اولان اقتصادی اورتاق‌لیغی و اولوسلار آراسی پول صاندیغین‌دان آلمیش اولدوغو کرئدیت ضمانت‌لری اؤلکه اوچون چوخ اهمیت‌لی. یئنی حکومت، آلینا‌جاق ثابت‌لیک تئدبیرلریله گلیرلرینی آرتیرماغی و دولت سکتورون‌داکی خرجلری قیسمانی مقصد قویور. طبیعی کی بو وضعیت خصوصیله اجتماعی امنیت و دولت دستک‌لی ساغلیق سکتورونو منفی تأثیر ائده‌جک. بو وضعیت‌دن ده ان چوخ اورتا و آلت گلیر قروپون‌داکی قروپلارین تاثیرلنه‌جگی قطعی. عینی زاماندا دولت سکتوروندا ایشدن چیخارمالار سؤز موضوعسو اولا‌جاق. اؤلکه‌نین ایچینده اولدوغو جیدی اؤلچولردکی ایشسیزلیک بحرانی دوشونولدوگونده بونون اولدوقجا آجی بیر نسخه اولدوغونا هئچ شوبهه یوخدور. بو وضعیت سبب بیر میللی بیرلیک حکومتینه احتیاج دویولدوغونو دا گؤسترمکده.
چوخ آغیر اقتصادی چتین‌لیک‌لر ایچینده اولان تونیس اوچون اولوسلار آراسی پول صاندیغی ژئن آییندا 2،9 میلیارد دو‌لارلیق بیر کرئدیتی تصدیقله‌دی. عینی زاماندا آمریکا یاریم میلیارد دو‌لارلیق کرئدیت وعده‌سینی وئردی. تونیس‌ین اؤنجه لیک‌لری آراسیندا ایستیخدام یارا‌دان بیر اقتصادی بؤیومه‌نین رئاللاشدیریلماسی یئر آلیر. یوزده 25-ی تاپان گنج اها‌لی‌دکی ایشسیزلیک نیسبتی گنج‌لری رادیکالیزمه ایته‌له‌ین ان اهمیت‌لی سبب‌لردن بیری اولا‌راق گؤرولمکده. سون بیر نئچه ایلدیر یوزده 2ی کئچمه‌ین بیر بؤیومه سرعتی تونیس‌ین ایچینده اولدوغو بحرانی درینلشدیرمئکده‌دن کنار گئده بیلمیر.
شاهید حکومتی اولدوقجا حساس بیر تارازلیغی تامین ائتمه‌سی و قوروماسی لازیم‌دیر: اقتصادی و مالی چتین‌لیک‌لرین مسئولیتین‌دن گلمک، ییپرانمیش و دورخموش بیر اها‌لی‌سی ثابت‌لیک سیاستی‌نین آجی نسخه‌سینی راضی ائتمک و پوتانسیل بیر اجتماعی پارتلاما وضعیتینده دموکراتیک حاق‌لار و آزادلیق‌لارا حؤرمت ائدیلمه‌سینی تامین ائتمک.
گرگین بیر امنیت ایقلیمی و کؤو‌رک بیر سیاسی نیظام بو گون تونیس‌ین ان دقته چارپان حقیقتی. بو وضعیت اونون اقتصادی بؤیومه باره‌سینده آتاجاغی آددیم‌لار باخیمین‌دان قایغی اویان‌دیران بیر خصوصیت کسب ائدیر. آنجاق یاشانان بوتون بو چتین‌لیک‌لره باخمایا‌راق 2011-جی ایلده بو زامانا دموکراتیکلشمه باخیمین‌دان تونیس اهمیت‌لی قازانام‌لار دا تامین ائتدی. شاهید طرفین‌دن یارادیلان و اؤلکه‌نین گئنیش سیاسی و اجتماعی یئلپیگینی احتیوا ائدن میللی بیرلیک حکومتی ده بو قازانیم‌لاری ایتیرمک ایستمه‌ین بیر میللی ایراده‌نین محصولو.
