تورکیه پنجرهسیندن اورتادوغو(36)
اذیتلی بیر رمضان آیی یاشایان یمن، قوربان بایرامینا دوغرو یول آلدیغیمیز بو گونلرده آرتیق بیر فلاکته دوغرو دیغیرلانماق عذره
تورکیه پنجرهسیندن اورتادوغو(36)
اذیتلی بیر رمضان آیی یاشایان یمن، قوربان بایرامینا دوغرو یول آلدیغیمیز بو گونلرده آرتیق بیر فلاکته دوغرو دیغیرلانماق عذره. بو گون، اؤلکهده، خالقین بؤیوک اکثریتینی بیر چوخ چتینلیگه معروض بوراخان بیر وطنداش ساواشی سوردورولمکده. بو ساواشین آکتیو طرفلریندن هر بیری ده یاشانان بو چتینلیکلرده مسئولیت داشیییرلار.
اؤلکهنین شمال و مرکز بؤلگهلرینده و باشکند صنعادا عصیانچی حوثیلر و موتتفیقی کئچمیش پرزیدنتی علی عبد الله صالحی دستکلهین قروپلار حاکم وضعیتدهدیرلر. حوثیلرین احاطه ائتمهسی آلتینداکی تعز شهرینده آوقوست آیی اعتباریله تخمینن 90 مین حامیله قادین وار. آنجاق بونلارین 4 مین 5 یوز قدری ساواش سببیله یوکسک ریسکلی حامیلهلیک قروبوندالار. یمنین اوچونجو بؤیوک شهری تعزده ایچ ساواشی اوّلینده تخمینن 20 دنه خستهخانا اولارکن بو گون اولدوقجا محدود ایمکانلارلا فعالیت گؤسترن یالنیز بیر نئچه خستهخانا وار.
آیریجا 2000لرین باشیندان بری یمنده وارلیغینی داوام ائتدیرن القاعدهنین گوجو داها دا آرتمیش حالدا. شیعه حوثیلری اؤزونون طبیعی دوشمنی اولاراق گؤرن القاعده ده موجود چاتیشمالارا قاتیلدی. بو وضعیت، 18 آی اوّل حوثیلرجه صنعادا اوزاقلاشدیریلمیش بین الخالق ساحهده تانینماغا داوام ائدن حکومتین و ایچ و خاریجی موتتفیقلرینین اعتراضلارینی چکمهدی. بو وضعیت القاعدهنین بیرباشا بعضی مسکونلاشما مرکزلرینده حاکمیتی الینه کئچیرمهسینه یول آچدی. سون زامانلاردا حوثی علیهداری جبههنین بو وضعیتین ساکینجالارینی فرقینه واراراق القاعدهیه قارشی حرکته کئچدیگینی گؤروروک.
داعش اؤلکهدکی کاوس موحیطیندن فایدالانان بیر دیگر قورولوش اولدو. 28 آوقوست گونو تشکیلاتین اؤلکهنین ایکینجی بؤیوک شهری و تانینمیش حکومتین موقتی مرکزی عدنی رئاللاشدیردیغی سوی-قصد سالدیریسندا 71 نفر اؤلدو. بو سون سالدیری اوّلینده ده تشکیلات بنزر سالدیریلارینی داوام ائتدیریردی.
30 آوقوست گونو بیرلشمیش میللتلر تشکیلاتینین اینسانی یاردیم کووردیناتورو جمی مک گولدریک، یمنده 18 آیدیر داوام ائدن ایچ ساواشسی سونوندا ان آز 10 مین نفرین اؤلموش اولدوغونو آچیقلادی. اینکیشافلاری یاخیندان ایزلهینلر باخیمیندان اصلینده بو اولدوقجا محافیضه کار بیر تخمین؛ چونکی یالنیز قیدیات آلتیندا آلینمیش ایتکیلری ایچهریر. بیر چوخ موشاهیدهچی یالنیز سیویل جان ایتکینلرینین 10 مین نفرین اوزرینده اولدوغونو وورغولاماقدالار.
مک گولدریکین آچیقلاماسینا گؤره اوچ میلیون یمنلی یئرلریندن ائدیلمیش وضعیتده. بونون 200 مینی اؤلکه خاریجینه چیخمیشدیر. آیریجا 26 میلیون اهالینین یاریسیندان چوخونون قیدا کمکینه محتاج حالدا. 7 میلیون نفر ده قیدا امنیتی پروبلمیله قارشی-قارشییا. لاکین سیویل تشکیلاتلاری طرفیندن ائدیلن آچیقلامالار اهالینین یوزده 80ینین قیدا کمکینه محتاج اولدوغونو و 15 میلیون نفرین ده قیدا امنیتی پروبلمینی یاشادیغینی ایفاده ائتمکده.
حتی یمندکی وضعیت میلیونلارلا اینسانی آجلیق و قیتلیق فلاکتینه معروض قالاجاق بیر اؤلچویه چاتدی. موجود شرطلرده 320 میندن چوخ اوشاق رادیکال غیری-کافی بسلنمه پروبلمیندن اذیتلی وضعیتدهدیر. الده قطعی رقملر اولماماقلا بیرلیکده بیر چوخ قایناق چوخ سایدا یئنی دوغولان اوشاغین ساواش سببیله چؤکموش ساغلیق سیستمی و غیری-کافی بسلنمه سببیله اؤلدوکلرینی بیلدیرمکده. قیسا بیر مدت سونرا، یمنده قیدا، سو و درمان قیتلیغی سببیله کوتلوی اؤلوملرین میدانا گلهجگی بیر چوخ موشاهیدهچی طرفیندن اؤنگؤرولمکده.
یمنده آجلیق چتینلیگینین یاشانماسی یئنی بیر وضعیت دئییل. یمن اوزون مدتدیر اینسانی اینکیشاف اندکسی سیرالاماسینین ان آلت سیرالاریندا یئر آلان بیر اؤلکه. یالنیز ایللردیر سورن پیس رهبرلیگین یانیندا 2011-جی ایلده سونرا یاشانانلار بو آن پروبلمی داها اوّلدن گؤرولممیش اؤلچولره گتیردی. 2011- 2014 آراسی یاشانان سیاسی غیری-ثابیتلیگین آردیندان باشلایان ایچ ساواشی وضعیتین وخامتی آرز ائتمسینه یول آچدی. چاتیشما سببیله یاشانان مایع یاناجاق قیتلیغی و ایدخال محدودیتلری، تمل احتیاج ماددهلرینین یوزده 90ینی خاریجدن قارشیلایان اؤلکهده جدی بیر پروبلم اولاراق قارشیمیزا چیخیر.
یالنیز یاشانان آجلیق و قیتلیق پروبلمینین بللی اولماسینا تأثیر ائدن ان بؤیوک فاکتورون قیدانین بیر سیلاح و یا ساواش واسطهسی اولاراق ایستیفاده ائدیلمهسی اولدوغونو ایفاده ائتملیگیک. موجود چاتیشمایا بو باخیمدان باخینجا، چاتیشمانین طرفلرینین یاشانان پروبلمده بیرباشا مسئولیت و پای صاحبی اولدوقلارینی گؤروروک.
هادی حکومتینی دستکلهین بؤلگهسل کوالیسیون یمنین بوتون آنا لیمانلارینی محاصیره آلتینا آلمیش وضعیتدهدیر. محاصیره سببیله مایع یاناجاق، یئمک و درمان کیمی ماددهلر یمن خالقینا واختیندا و نیظاملی بیر شکیلده چاتا بیلمیر. آیریجا بازاردا بیر محصول اولسا بئله ساواش سببیله آرتان قیمتلری اهالینین چوخ بؤیوک قیسمینین قارشیلاماسی مومکون وضعیتده. 2010 رقملریله یمن خالقینین اوچده بیری کاسیبلیق مرزینین آلتیندا یاشاییردی. بو گون اهالینین یوزده 80ینین بو مرزین آلتیندا اولدوغو ایفاده ائدیلیر. محاصیرهنین یانیندا، هادی حکومتی طرفداری گوجلرین، بئینلخالق یاردیم تشکیلاتلارینین حوثی حاکمیتی آلتینداکی بؤلگهلره اینسانی یاردیم آپاریلماسینا مانع اولدوقلاری گؤرولمکده. آیریجا، بو ایجازه الده ائدیلسه بئله بیر دیگر پروبلم، کمکی چاتدیرماق اوچون ایستیفاده ائدیلهجک مسیرلردکی کؤرپولرین تخمینن یوزده 90-ی ایستیفاده ائدیله بیلمز حالا گلمیش وضعیتدهدیرلر.
حوثی-صالح کوالیسیونو دا یاشانان پروبلمده پای صاحبی وضعیتدهدیرلر. شهردن چیخاریلمادان اوّل عدنی و بو آندا محاصیره آلتیندا ساخلادیقلاری تعزده، محاصیره سببیله خالقین مایع یاناجاق، سو و یئمهیه چیخیشی آز قالا ایمکانسیزلاشمیش وضعیتده.
اگر چاتیشمالار بیر آن اوّل سون تاپیب درحال یئمنلیلره تمل قیدا و ساغلیق احتیاجلاری قارشیلانمازسا، 21-جی عصرین ایلک بؤیوک آجلیق و قیتلیقدان قایناقلانان فلاکتینه شاهید اولماغیمیز اوچون چوخ بیر مدت قالمادی. بو سببله ده بین الخالق جمعیتین بو پروبلمده ضد دوشن طرفلردن بیری یانیندا و دیگری قارشیسیندا یئر آلماق کیمی بیر موقعیت تعیین ائتمهنین کنارینا کئچن بیر رفتار ائتمهسی لازیمدیر. طرفلرین بیر آن اوّل ماسا باشینا اوتوروب معین اورتاق نقطهلرده گؤروشمهسینین تامینی واخت کئچیریلمهدن تامین ائدیلمهلیدیر.