تورکیه مطبوعاتی اؤزتی 21.12.2017
کانادانین ونکوور شهرینده 16 ژانویهده ائدیله جک قوزئی کوره ذیروهسینه تورکیهده ایشتیراک ائدهجک
تورکیه مطبوعاتی اؤزتی 21/12/2017
خبر تورک: "سنین بابانین هارادایدی
جمهورباشقانی رجب طیب اردوغان، 42-جی مختارلار کونفرانسیندا بیلدیریب. بیرلشمیش عرب امیرلیکلری خاریجی ایشلر ناظیرینین، مدینهدکی مقدس امانتلری قورتاریب ایستانبولا گتیرن فخرالدین پاشا گوناهلاندیران بیر توییتری پایلاشماسینا چوخ آغیر اعتراض گؤسترن پرزیدنت اردوغان، "ای بیزه بحتاندا اولان زاواللی، سنین بابانین هارادایدی. فخرالدین پاشانین 2 ایل 7 آی مدت ایله ساووندوغو مدینهده گؤردوگو ایشلر، مقاومت تقدیرلاییقدیر. اوتانمادان، چکینمهدن اردوغانین اجدادلارینین مقدس امانتلری اورادان چالا-چالا ایستانبولا گتیردیکلرینی دئیهجک قدر هزیان ایچینده اولان زاواللیلار، اوراداکی ایشغالا گلنلردن اونلاری قوروماقدیر، شهید اولماق آدینا، پاشا، مقدس امانتلری 2 مین نفرلیک قوروما گوجو ایله ایستانبولا گؤندرمیشدیر". دئیه دانیشدی. اردوغان، "تاریخیمیزین بو ممتاز شخصیتینه دیل اوزادانلارین بوگون کیملرله، هارالاردا، نه ایشلر چئویردیگینی بیز چوخ یاخشی بیلیریک". دئدی.
صاباح: "چاووش اوغلو:آرتیک دونیا دییشیب"
خاریجی ایشلر ناظیری مولوت چاووش اوغلو یارین بیرلشمیش میللتلر (بمت) ده ائدیلهجک قودس اویلاماسی ایچین آمریکایا گئتدی. هاوا لیمانیندا فیلیسطین خاریجی ایشلر ناظیری ایله بیرلیکده مطبوعات کونفرانسی کئچیرن چاووش اوغلو، "صاباح عمومی قورولدا سس وئرمه اولاجاق. بیز بورادان گوجلو بیر دستک گؤزلییریک. چونکی بو قراردان تکجه موسلمانلار دئییل، خریستیانلار دا ناراحات اولدو. عینی شکیلده یهودیلرین بؤیوک بیر قیسمی بو قرارا قارشی. ویجدانی اولان هر کس حقوقا ضد اولان بو قرارا قارشی قویدو. صاباح کئچیریلهجک سس وئرمهدن اوّل تک باشینا قالان آمریکانین تهدید اصولونا مراجعت ائتدیگینی گؤروروک" دئدی.
صاباح: "تورکیه،قوزئی کوره ذیروهسینه دعوت ائدیلیب"
کانادانین ونکوور شهرینده 16 ژانویهده ائدیله جک قوزئی کوره ذیروهسینه تورکیهده ایشتیراک ائدهجک. تورکیهنین اوتاوا سفیری سلجوق اونال، تورکیهنین، کانادانین ونکوور شهرینده 16 ژاویهده کئچیریلهجک "قوزئی کوره ذیروهسینه" دعوت ائدیلدیگینی سؤیلهدی.دعوتین، کانادا طرفیندن آنکارایا چاتدیردیغینی بیلدیرن اونال، کانادا و آمریکانین ائو صاحیبلیگینده باش توتاجاق ایجلاسینین، 1950-53 کوره محاربهسینده ایشتیراک ائدن اؤلکهلر کونتکسینده ائدیلهجگینی ایفاده ائتدی.
یئنی شفق: "کانال ایستانبولدان چیلقین تورپاق"
2011-جی ایلده ایلک دفعه گوندمه گلنده چیلقن پروژه اولاراق آدلاندیریلان کانال ایستانبول پروژهسی چیخاریلاجاق تورپاق دا چیلقین اؤلچولرده اولاجاق. 2018ده تمللری آتیلاجاق پروژهدن چیخاریلاجاق 1.7 میلیارد متر مکعب تورپاق ایله 3 آدا، سربست بؤلگه و لیمان کئچیریلمهسی گوندمده ایکن تورپاغین مینلرله یوک ماشینی ایله کند و اکینجیلیک اراضیلرینه داغیدیلماسی دا گوندمده.
وطن: "تورک چایی 23.7 میلیون دولار قازاندیردی"
تورکیهدن راپور دؤورونده 4 مین 958 تون چای ایخراج ائدیلهرک، اوزینده 23 میلیون 655 مین 899 دولار گلیر الده ائدیلیب. شرق قارا دنیزدن ده ایلین 11 آیی عرضینده 21 اؤلکهیه 2 مین 939 تون چای ایخراج ائدیلهرک، اوزینده 10 میلیون 949 مین 670 دولارلیق گلیر الده ائدیلیب. بؤلگهدن قوروجولوق ایخراجدا دا ایلک اوچ زامان دییشمهین، بلژیکه 8 میلیون 589 مین 584 دولارلیق، آلمانیایا 689 مین 117 دولارلیک قوزئی قیبریس تورک جمهوریتینه 462 مین 921 دولارلیق چای ایخراج ائدیلیب.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.