تورکیه مطبوعاتی اؤزتی 23.05.2017
ایستانبولدا ائدیلن قارا دنیز ایقتیصادی امکداش‌لیق تشیکلاتی ذیروه‌سینه پرزیدنت اردوغانین یونان و صرب نماینده‌لری ائتدیگی فنرباخچا دیالوق‌لاری دامغاسینی ووردو
تورکیه مطبوعاتی اؤزتی 23.05.2017
صاباح: "پاسپورت‌لار قالدیراق"
ایستانبولدا قارا دنیز ایقتیصادی امکداش‌لیق تشکیلاتی‌نین 25ینجی قورولوش ییلدؤنومو ایجلاسیندا دانیشان پرزیدنت رجب طیب اردوغان، تیجارتین و یاتیریملارین ساغلام زمینده یورویه‌بیلمسی‌نین تمل شرطی‌نین دینج‌لیک و ثابت‌لیک اولدوغونو ایفاده ائده‌رک، عضو اؤلکه‌لره "ایچینده اولدوغوموز حساس قارا دنیز جوغرافیاسی‌نین باریش، ثابت‌لیک و ریفاه ایچینده اینکیشافی هامیمیزین اورتاق مقصدی اولما‌لی‌دیر "مساژی وئردی. تورکیه‌نین گورجوستان و اوکراین ایله پاساپورت‌سوز سیاحتین یولونو آچدیغینی خاطیرلا‌دان اردوغان، "بیز بو آسان‌لیغی بوتون عضو اؤلکه‌لره یایماق و اینسان‌لاریمیزی بیر-بیرلریله اولا بیلدیگینجه یاخین‌لاش‌دیرماق ایستییریک" چاغیریشی ائتدی.
حریت: "آمریکایا 'قوروما ایختاری"
پرزیدنت اردوغانین کئچن هفتکی آمریکا سفری زامانی تورکیه‌نین واشینگتون سفیرلیگی رزیدانس قارشی‌سیندا چیخان ساواشان سونراسیندا یاشانان‌لار سببیله خاریجی ایشلر ناظیرلیگی دونن آمریکانین آنکارا سفیری جان باس چاغیرا‌راق اعتراض ائتدی. خاریجی ایشلر، آمریکا پولیسی‌نین "دیپلوماتیک قایدا، عادت و پروفسیونلیغه ضد سالدیرقان داورانیش‌لاری‌نین شیفاهی و یازیلی اولا‌راق اعتراض ائدیلدیگینی" بیلدیریب. دیش ایشلری‌نین-آچیقلاماسی ایله او گون ایکینجی بیر حادثه یاشاندیغی دا اورتایا چیخدی. رزیدانس اؤنون‌دکی داتیشما اثناسیندا خاریجی ایشلر ناظیری مولوت چاووشوغلونون ایکی یاخین قوروماسی‌نین آمریکا پولیسی طرفین‌دن نظارته آلیندیغی و قیسا مدت سونرا سربست بوراخیلدیغی آیدین اولدو.
خبر تورک: "دونیادا بیر ایلک: آنا قیغیرداغی‌ندان قولاق"
غازی آنتپ‌ده دوغوش‌دان قولاق‌لاری اولمایان و تخمینن 1،5 ایل اوّل آناسین‌دان آلینان قیغیرداق توخوما‌لارلا یئنی قولاق ائدیلن 22 یاشین‌داکی اومید گولون معا‌لیجه‌سینده باشاری تامین ائدیلدی. غازی آنتپ اونیورسیته‌ستی طیب فاکولته‌سی جراحیه علم‌لر بؤلوم باشقانی اولان پروفسور محمت موتاف، "دونیادا ایلک دفعه بیر جان‌لی‌دان آلینان قیخیرداقلا باشاری‌لی بیر عملیات رئاللاشدیریلدی" دئدی.
وطن: "کدرلنمه پاولوپوولوس"
ایستانبولدا ائدیلن قارا دنیز ایقتیصادی امکداش‌لیق تشیکلاتی ذیروه‌سینه پرزیدنت اردوغانین یونان و صرب نماینده‌لری ائتدیگی فنرباخچا دیالوق‌لاری دامغاسینی ووردو. پرزیدنت اردوغان، صربیستانا خاریجی ایشلر ناظیری ایویجا داجیجین دانیشماسی‌نین آردین‌دان سؤز آلا‌راق، تورکیه آوروپا لیگی فینالیندا فنرباخچانین شامپیون اولدوغونو خاطیرلاتدی. فنرباخچانین کوچونون و ایکی اهمیت‌لی اویونچوسونون صرب اولدوغونا ایشاره ائدن اردوغانا، داجیج "بو بیزیم اورتاق ظفریمیزین" قارشی‌لیغینی وئردی. اردوغان، داها سونرا یونان همکاری پروکوپیس پاولوپوولوسا دؤنه‌رک، "قیمت‌لی دوستوم، او دا کدرلنمه‌سین. چونکی کوستاس سلووکاس یونانیستان‌لی، او دا فنرباخچادا اویناییر. گؤزل بیر همرای‌لیک ایله فنرباخچا بئله‌جه آوروپا شامپیونو اولدو. "دئدی.
یئنی شفق: "5 مین ایللیک لوکس سیته تاپیلدی"
ایزمیر بورنووا مسجیدلرینده یئسیلووا هؤیوغونده باغلی حیاتا کئچیریلن یاسی تپه قازینتی‌لاریندا، 5 مین ایل اوّلینه سؤیکنن ترویا مدنیتینه باغلی ایزلر تاپیلدی. مسکونلاشما مرکزین‌دکی 75-80 مترمربع ساحه‌یه صاحب و دؤوره گؤره لوکس ائولرین ایکی اوتاق‌لی و سیته ایچینده تیکیلدیگی تثبیت ائدیلدی.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
