خوجالیدا قتل ائدیلن ۷ تورکون قالیقلاری دفن ائدیلدی
آذربایجاندا ارمنیستان گوجلری طرفیندن ۱.جی قاراباغ ساواشیندا قتل ائدیلهن آذربایجانلیلارین ایزلری تک-تک اورتایا چیخاریلیر
آذربایجاندا خوجالی قیرغینیندا حیاتینی ایتیرهن ۷ نفر دفن ائدیلدی.
آذربایجاندا ارمنیستان گوجلری طرفیندن ۱.جی قاراباغ ساواشیندا قتل ائدیلهن آذربایجانلیلارین ایزلری تک-تک اورتایا چیخاریلیر.
خوجالی شهرینین مرکزیندهکی اوناریم و تیکیم ایشلری چرچیوهسینده ایجرا ائدیلهن قازینتی چالیشمالاریندا ان آز ۱۸ نفره عاید سوموک پارچالاری تاپیلدی.
اینسانا عایید قالیقلارین اورتایا چیخماسینین آردیندان حادثه یئری آراشدیرماسی باشلادیلدی.
آراشدیرما نتیجهسینده، کیملیگی معین اولان شخصلرین نایب علییئو، سوریه علییئوا، سیاووش سئلیموو، تامیللا سئلیمووا، علی جاوادوو، ایسماعیل ایسماعیلوو و شیرآسلان نجفوو اولدوغو تعیین اولوندو.
کیملیکلری معین اولان ۷ نفرین قالیقلاری ۳۲ ایلین آردیندان خوجالیداکی شهیدلیکده تشکیل ائدیلهن جنازه مراسیمی ایله دفن ائدیلدی.
ارمنی گوجلرینین ۲۶ فوریهده ۱۹۹۲ده هوجوم ائتدیگی قاراباغداکی خوجالی قصبهسینده ساوونماسیز وضعیتده ۱۰۶سی قادین، ۷۰ی یاشلی، ۶۳و اوشاق ۶۱۳ آذربایجان وطنداشی حیاتینی ایتیرمیشدی. خوجالیدا ۱۲۷۵ آذربایجانلی، ارمنی گوجلری طرفیندن اسیر آلینمیشدی، بونلاردان ۱۵۰سیندن خبر آلینابیلمهمیش و ایتکین اولاراق ثبت ائدیلمیشدی.
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک