تۆرک آغساققاللار عشق آباددا گؤروشدو
"تۆرک دؤولتلری تشکیلاتینین آماجی بؤلگهده بعضیلرینی قورخوتماق، تهدید ائتمک دئییل اما کیمسهدن ده قورخمادیغینی اورتایا قویماقدیر"
تۆرک دؤولتلری تشکیلاتی آغساققاللار شوراسی عضولری تۆرکمنیستاندا گؤروشدو.
باشکند عشق آبادداکی ییغینجاقدا کۆرهسل و بؤلگهسل مسئلهلر ایله دایانیشمانی گوجلهندیرمه هدفلری دانیشیلدی.
آغساققاللار شوراسی ییغینجاغیندا تۆرکیهنی شورا باشقانی بینعلی ییلدیریم تمثیل ائتدی.
ییغینجاغا، تۆرک دؤولتلری تشکیلاتی باش یازمانی کوبانیچبک عؤمورعلییئوین یانیندا قازاقیستان، قیرقیزیستان، اؤزبکیستان و ماجاریستانین گؤندردیگی آغساققاللار قاتیلدی.
شورا باشقانی بینعلی ییلدیریم، ییغینجاق سونراسی، ساواش و چاتیشمالارین یاشاندیغی دونیادا تشکیلاتین اؤنمینی ایضاح ائتدی.
بینعلی ییلدیریم،
"تۆرک دؤولتلری تشکیلاتینین آماجی بؤلگهده بعضیلرینی قورخوتماق، تهدید ائتمک دئییل اما کیمسهدن ده قورخمادیغینی اورتایا قویماقدیر. آماجیمیز باریشی تشویق ائتمکدیر. چونکو اوکراینا روسیا ساواشی وار. ایسرائیلین تطبیق ائتدیگی سویقیریم وار. تشکیلات اولاراق بؤلگهدهکی قاریشیقلیقلارین سونا چاتماسی اوچون الیمیزدن گلن چابانی گؤستریریک" دئدی.
ایپک یولونون اؤنمینین هر گئچهن گون آرتدیغینی دا ایفاده ائدن بینعلی ییلدیریم،
"ایپک یولو بیر باشا - دولاییلی ۶۰ اؤلکهنی ماراقلاندیریر و دونیا میللی گلیرینین ناخالص تولیدینین یوزده ۶۵ینه خطاب ائدیر. تۆرک سرمایه صاندیغی قورولدو، بو سرمایه صاندیغینین مرکزی ایستانبولدا. بورادا اولوشاجاق قایناقلا تۆرک دؤولتلرینده کیچیک و اورتا اؤلچکلی ایشلتمهلرین دستکلنیلمهسی هدفلهنیر" دئیه دانیشدی.
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک