جمهورباشقانی علییئو: ۲۱.جی عصرده ایسلاموفوبیایا یئر اولمامالیدیر
ایلهام علییئو، باشکند باکیدا تشکیل ائدیلهن "چئشدلیلیگی قوروماق: ۲۰۲۴ده ایسلاموفوبیایلا موباریزه" باشلیقلی اولوسلارآراسی کنفرانسین ایشتیراکچیلارینا مئساژ گؤندردی
آذربایجان جمهورباشقانی ایلهام علییئو، باتی اؤلکهلریندهکی ایسلام قارشیدی اگیلیملری/تمایللاری تنقید ائتدی.
ایلهام علییئو، باشکند باکیدا تشکیل ائدیلهن "چئشدلیلیگی قوروماق: ۲۰۲۴ده ایسلاموفوبیایلا موباریزه" باشلیقلی اولوسلارآراسی کنفرانسین ایشتیراکچیلارینا مئساژ گؤندردی.
مئساژیندا علییئو، دونیادا ایسلاموفوبیا تمایللارینین سرعتله آرتماسینا، مسلمانلارا قارشی آیریمچیلیق و آچیق نیفرتین گون گئچدیکجه یاییلماسینا شاهید اولدوقلارینی ایضاح ائتدی.
ایسلاموفوبیانین، اؤزلرینی دموکراتیک اولاراق گؤرهن بعضی باتیلی اؤلکهلرین دؤولت سیاستینین آیریلماز بیر پارچاسی حالینا گلدیگینی ایفاده ائدن علییئو، قرآن کریمین یاندیریلماسی و حضرت محمدین کاریکاتورلارینین یاییملانماسی کیمی تحقیر ائیلملرینین ایفاده اؤزگورلوگو اولاراق اؤنه سۆرولدوگونه خاطیرلاتدی.
علییئو،
"فرانسا، گلهنکسل یئنی مستملکهچیلیک سیاستینین یانیندا مسلمانلارا قارشی آچیق باسقی و آیری سئچکیلیک سیاستی ایجرا ائتمکده و مختلیف ایسلام قارشیدی کمپینلر تشکیل ائتمکدهدیر" دگرلندیرمهسینی وئردی.
اؤزلرینی دموکراتیک اولاراق تانیملایان بعضی باتی قوروملارینین دا ایسلام قارشیدی فعالیتلر ائتدیگینی وورغولایان علییئو، آوروپا پارلمانی و آوروپا شوراسی پارلامنتر مجلیسینین ایسلام قارشیدلیغینی تشویق ائدن پلتفورملارا چئوریلدیگینی بیلدیردی.
ایلهال علییئو، بعضی کۆرهسل مئدیا قورولوشلارینین دا بو آخینا قاپیلاراق ایسلام قارشیدی فعالیت گؤستردیگینی، ایسلامین ترورلا اؤزدشلشدیریلمهیه چالیشیلدیغینی وورغولادی.
آذربایجانین دا ایسلاموفوبیادان راحاتسیز بیر اؤلکه اولدوغونا دقت چکهن علییئو،
"۲۱.جی عصرده ایسلاموفوبیایا، خاریجی دۆشمنلیگینه و عرقچیلیغا یئر اولمامالیدیر" دئدی.
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک