میرزویان: تورکیه ایله سرحدلرین آچیلماسینی ایسته‌ییریک
آنتالیا دیپلوماسی فورومو ۲۰۲۴ اوچون تورکیه‌یه گلن میرزویان، آنادولو آژانسینا ایکی اؤلکه ایلیشکیلرینه دایر دگرلندیرمه‌لر وئردی
ارمنیستان خاریجی ایشلر باخانی آرارات میرزویان، تورکیه ایله سرحدلرین تئزلیکله آچیلماسینی ایسته‌دیکلرینی سؤیله‌دی.
۱-۳ مارس تاریخلرینده تشکیل ائدیله‌ن آنتالیا دیپلوماسی فورومو (آدف) ۲۰۲۴ اوچون تورکیه‌یه گلن میرزویان، آنادولو آژانسینا ایکی اؤلکه ایلیشکیلرینه دایر دگرلندیرمه‌لر وئردی.
تورکیه ایله اؤلکه‌سی آراسیندا داواملی بیر تماس اولدوغونو، قورو سرحدینین ایکی اؤلکه‌یه سفر ائدن اوچونجو اؤلکه وطنداشلارینین گئچیشینه آچیلماسی اوچون آنلاشمایا واریلدیغینی ایضاح ائدن میرزویان، بونون یالنیز اوچونجو اؤلکه وطنداشلاری اوچون دئییل، عینی زاماندا ارمنیستان و تورکیه‌ده‌کی دیپلوماتیک پاسپورت صاحبی شخصلر اوچون ده گئچرلی اولاجاغینی بیلدیردی.
میرزویان، آیریجا تاریخی آنی کؤرپوسونون یئنیدن اوناریمینین سؤز قونوسو اولدوغونو ایفاده ائد‌رک سرحد بؤلگه‌لرینده‌کی آلت یاپیلارین و یوللارین تیکیمی قونوسوندا دا بعضی آنلاشمالارا چاتیلدیغینی خاطیرلاتدی.
ارمنی باخان، "ارمنیستان جمهوریتی اولاراق صمیمی شکیلده دؤولت سرحدلرینین تئرلیکله آچیلماسینی ایسته‌ییریک. دیپلوماتیک ایلیشکیلرین قورولماسینی و اینسانلار و مدنیتلر آراسیندا تماسلارین آرتماسینی ایسته‌ییریک" دگرلندیرمه‌سینی وئردی.
میرزویان، ارمنیستان و آذربایجان آراسینداکی باریش گؤروشمه‌لرینه باغلی دا "آذربایجان ایله باریش آنلاشماسی ایمضالاماق اوچون موذاکیره‌لری داوام ائتدیریریک و عمومیتله قافقازدا، گونئی قافقاز بؤلگه‌سینده ثابتلیک و باریشین گوجلندیریلمه‌سی اوچون بو سۆره‌جه داوام ائدیریک" دئدی.
طرفلرین اؤنجه بیر بیرلرینین تورپاق بۆتونلوگونو تانیدیغینی تکرارلاماق ایسته‌دیگینی سؤیله‌یه‌ن آرارات میرزویان، هئچ کیمین یئنی سرحدلر چکمه صلاحیتینین اولمادیغینی ایفاده ائتدی.
میرزویان، "بؤلگه‌ده‌کی بوتون باغلانتی و نقلیات خطلری ایله باغلی" اولاراق دا، "نقلیات یوللارینین آچیلماسیندا ایستکلیییک. اؤنجه بو بؤلگه‌سل نقلیات باغلانتیلارینین آچیلماسی بیزیم اوچون ده چوخ اؤنملی و بیزه ده اقتصادی فایدالار تامین ائد‌جک" ایفاده‌سینی ایشلتدی.
ایلگیلی‌لی خبرلر
آذربایجان باشباخانی تورکیه‌ده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیله‌جک
