آذربایجان و ارمنیستانین برلین گؤروشمه‌لری سونا چاتدی
"باخانلار و هیئتلری، 'باریش و دؤولتلرآراسی ایلیشکیلرین قورولماسینا باغلی ایکیلی آنلاشما' قارالاماسینین حؤکملرینه باغلی توتوملارینی موذاکیره ائتدی"
آذربایجان و ارمنیستان آراسیندا ایجرا ائدیله‌ن باریش موذاکیره‌لرینده بعضی تمل مؤوضوعلاردا علاوه چالیشمالارا داوام ائدیلمه‌سی لازیم اولدوغو ایفاده ائدیلدی.
آذربایجان خاریجی ایشلر باخانی جئیهون بایراموو ایله ارمنیستان خاریجی ایشلر باخانی آرارات میرزویانین باریش آنلاشماسی موذاکیره‌لری چرچیوه‌سینده آلمانیانین باشکندی برلینده گئرچکلشدیردیگی و ۲ گون داوام ائد‌ن گؤروشمه‌لر سونا چاتدی.
آذربایجان خاریجی ایشلر باخانلیغیندان وئریله‌ن آچیقلامادا،
"باخانلار و هیئتلری، 'باریش و دؤولتلرآراسی ایلیشکیلرین قورولماسینا باغلی ایکیلی آنلاشما' قارالاماسینین حؤکملرینه باغلی توتوملارینی موذاکیره ائتدی. بعضی تمل مؤوضوعلاردا علاوه ایشلره داوام ائدیلمه‌سی لازیم اولدوغو قید ائدیلدی" ایفاده‌لری یئر آلدی.
باخان بایرامووون گؤروشمه‌لره ائو صاحبلیگی ائد‌ن آلمانیا خاریجی ایشلر باخانی آنالنا بربوکا تشکر ائتدیگی قید ائدیلدی.
