قازاقیستان و اؤزبکیستان تیجارتی آرتیریر
"ایکی اؤلکه آراسیندا هله حل ائدیلمهمیش تک بیر پروبلئم یوخ. بونون گلهجکده ده بئله داوام ائدجگینه اولان گۆوهنیم تامامدیر"
قازاقیستان و اؤزبکیستان، ایکیلی تیجارتی ۱۰ میلیارد دلارا چیخارماق اوچون آنلاشدی.
اؤزبکیستان خاریجی ایشلر باخانی بختیار سعیدوو، قازاقیستانا ایلک رسمی سفرینی گئرچکلشدیردی.
سعیدوو، باشکند آستانادا قازاقیستان باشباخان کؤمکچیسی و خاریجی ایشلر باخانی مراد نورتیلئو ایله بیر آرایا گلدی. باش باشا و هیئتلر آراسی گؤروشمه گئرچکلشدیرن ایکی باخان، داها سونرا اورتاق مطبوعات کنفرانسی تشکیل ائتدی.
قازاق باخان نورتیلئو، بورادا وئردیگی آچیقلامادا، اؤلکهسی ایله اؤزبکیستان آراسینداکی ایلیشکیلرین متفیق سویهسینه یۆکسلدیلمهسینه و سرحدلرین تعیین اولونماسینا باغلی ۲۰۲۲ده ایمضالانان تاریخی آنلاشمالارین قازاق-اؤزبک ائتکیلهشیمینده یئنی صفحه آچدیغینی سؤیلهدی.
نورتیلئو، قازاقیستان ایله اؤزبکیستان آراسیندا واریلان آنلاشمالارین اورتا آسیا بؤلگهسیندهکی ثابتلیک و قالخینمایا دا تأثیر ائتدیگینه ایشاره ائدرک،
"ایکی اؤلکه آراسیندا هله حل ائدیلمهمیش تک بیر پروبلئم یوخ. بونون گلهجکده ده بئله داوام ائدجگینه اولان گۆوهنیم تامامدیر" ایفادهسینی ایشلهتدی.
سون ایللرده قارشیلیقلی تیجارتین ثابت شکیلده بؤیودوگونه دقت چکهن نورتیلئو، ایکی اؤلکه آراسینداکی تیجارتی ۱۰ میلیارد دلارا چیخارما قونوسوندا آنلاشدیقلارینی بیلدیردی.
نورتیلئو، بؤلگه خالقی اوچون اؤنملی اولان سو و انرژی مؤوضوعلارینین یانیندا ایکی اؤلکهنین نقلیات پتانسیلینی آرتیراجاق یئنی دمیر یوللارینین تیکیمینه دایر پروژهلری ده اله آلدیقلارینی دیله گتیرهرک،
"اؤزبک تریلیلرینین سرحدلریمیزدن گئچیشینی آسانلاشدیرماق اوچون تمل چالیشمالارا داوام ائدجگیمیزه دایر ضمانت وئردیم" دئدی.
اؤزبک باخان سعیدوو دا گؤروشمهلرین سون درجه وئریملی گئچدیگینی ایفاده ائدرک،
"بو ایل ده لیدئرلریمیز آراسیندا قارشیلیقلی گؤروشمهلر دولو گئچمهسینی گؤزلهییریک" دئدی.
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک