قازاقیستاندان تۆرکیه‌یه دستک مئساژی
"بئله‌سینه چتین بیر دؤنمده قازاقیستان، تۆرک دؤولتلری تشکیلاتینا عضو دیگر اؤلکه‌لرله تۆرکیه‌یه ایلک دستک وئره‌ن اؤلکه‌لردن اولدو و تۆرک بیرلیگینین گۆجونو اورتایا قویدو"
قازاقیستان، ۶ فوریه ۲۰۲۳ده میدانا گلن قهرمان‌ماراش مرکزلی زلز‌له‌لرین بیرینجی ایلی سببی ایله مئساژ یاییملادی.
قازاقیستان خاریجی ایشلر باخانلیغینین رسمی اینترنت صحیفه‌سینده یاییملانان مئساژدا، گئچه‌ن ایل تۆرکیه‌نین گونئی دوغوسوندا میدانا گلن ییخیجی زلز‌له‌لر سببی ایله قازاقیستانین ائو صاحیبلیگینده باشکند آستانادا گئرچکلشن تۆرک دؤولتلری تشکیلاتی (ت‌دت) دؤولت باشقانلارینین ۱۰.جو ذیروه‌سینده، عضو اؤلکه‌لر طرفیندن ۶ فوریه‌نین "فاجعه قوربانلارینی آنما و دایانیشما گونو" اعلان ائدیلدیگی خاطیرلادیلدی.
مئساژدا،
"بئله‌سینه چتین بیر دؤنمده قازاقیستان، تۆرک دؤولتلری تشکیلاتینا عضو دیگر اؤلکه‌لرله تۆرکیه‌یه ایلک دستک وئره‌ن اؤلکه‌لردن اولدو و تۆرک بیرلیگینین گۆجونو اورتایا قویدو" ایفاده‌سی ایشله‌دیلدی.
تۆرک دؤولتلری تشکیلاتینین دؤونم باشقانی اولاراق قازاقیستانین، تۆرکیه‌یه سؤزو گئدن مدتی سرعتله سوووشدورماسی دیله‌گی دیله‌دیگی قید ائدیلدی.
۶ فوریه ۲۰۲۳ده، قهرمان‌ماراشین بازارجیق ائلچه‌سینده تۆرکیه ساعاتییلا ۰۴.۱۷ده ۷،۷ بؤیوکلوگونده، البیستان ائلچه‌سینده ایسه تۆرکیه ساعاتییلا ۱۳.۲۴ده ۷،۶ بؤیوکلوگونده زلزله میدانا گلمیش، ۵۳ مین ۵۳۷ نفر حیاتینی ایتیرمیش، ۱۰۷ مین ۲۱۳ نفر یارالانمیشدی.
ایلگیلی‌لی خبرلر
آذربایجان باشباخانی تورکیه‌ده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیله‌جک
