آوروپا بیرلیگی، اورتا آسیادا تاثیرینی آرتیرماق ایسته‌ییر
"آوروپا بیرلیگی، اورتا آسیاداکی اؤلکه‌لر اوچون گوجلو، قرارلی و گۆونلی بیر اورتاق اولماغا داوام ائدیر"
آوروپا بیرلیگی، آوروپا و اولوسلارآراسی مالی قورولوشلارینین، اورتا آسیادا داوام ائتدیریله‌بیلیر نقلیات باغلانتیسینا دایر دستک و سرمایه‌لر اوچون ۱۰ میلیارد یورو تعهد ائتدیگینی بیلدیردی.
آوروپا بیرلیگی باشقان کؤمکچیسی والدیس دومبرووسکیس و آوروپا بیرلیگی خاریجی ایلیشکیلر و گۆونلیک سیاستی یۆکسک نماینده‌سی جوزپ بورل، بروکسلده تشکیل ائدیله‌ن آوروپا-اورتا آسیا آراسیندا داوام ائتدیریله‌بیلیر نقلیات مؤوضوعونداکی کۆره‌سل گئچید سرمایه فورومونون آچیلیشیندا دانیشدی.
"آوروپا بیرلیگی، اورتا آسیاداکی اؤلکه‌لر اوچون گوجلو، قرارلی و گۆونلی بیر اورتاق اولماغا داوام ائدیر" دئیه‌ن دومبرووسکیس، آرتان ژئوپولیتیک گرگینلیکلر و کۆره‌سل پارچالانمیشلیق قارشیسیندا اورتا آسیا ایله حیاتی اؤنمه صاحب اورتاقلیغا چوخ دگر وئردیکلرینی ایفاده ائتدی.
آوروپا بیرلیگینین حاضردا اورتا آسیانین ان بؤیوک سرمایه اورتاغی و بؤلگه اؤلکه‌لرینین ایکینجی بؤیوک تیجارت اورتاغی اولدوغونو ایفاده ائد‌ن دومبرووسکیس، اورتا آسیا اؤلکه‌لرینین ده آوروپا بیرلیگی ایله امکداشلیغی گۆجله‌ندیرمک ایسته‌دیکلرینی ایضاح ائتدی.
دومبرووسکیس، اوزون وعده‌لی هدفلرینین آوروپا و اورتا آسیانی ۱۵ گۆن و یا داها قیسا مدتده بیر بیرینه باغلایاجاق رقابتچی، سۆردوروله‌بیلیر، عاغیللی و سرعتلی بیر دالان میدانا گتیرمک اولدوغونو، بونون اوچون آوروپا و اورتا آسیاداکی اؤلکه‌لرله اولوسلارآراسی مالی قورولوشلاری، اؤزل سرمایه‌چیلر و شیرکتلرین ائش‌گۆدوملو/بیرگه حرکت ائتمه‌سینین اؤنمینه دقت چکدی.
دومبرووسکیس، "اولوسلارآراسی بیرلیگین، اورتا آسیانین سۆردوروله‌بیلیر نقلیات باغلانتیسی اوچون توپلام ۱۰ میلیارد یورولوق بیر پاکت سونماغی تعهد ائدجگینی بیلدیرمکدن بؤیوک سئوینج دویورام" دئیه دانیشدی.
آوروپا بیرلیگی یۆکسک نماینده‌سی بورل ده آوروپا بیرلیگینین روسیایا قارشی جدی تحریملر تطبیق ائتدیگینی خاطیرلاداراق، "تحریملرین تأثیرلی اولابیلمه‌سی اوچون اورتاقلاریمیزین تام امکداشلیغینا احتیاجیمیز وار" دئدی.
"اورتاقلیغیمیزی اقتصادی گۆونلیگیمیزی آرتیراجاق شکیلده گوجله‌ندیرمه‌میز لازیمدیر" دئیه‌ن بورل، اقتصاد و گۆونلیک مؤوضوعلارینین بیر بیرینه گئده‌رک داها چوخ یاخینلاشاجاغینی وورغولادی.
آوروپا بیرلیگی طرفی فورومو، اورتا آسیادا تأثیرلی روسیا و چین کیمی اؤلکه‌لره رقیب اولماق اوچون بیر فورصت اولاراق گؤرور.
آوروپا بیرلیگی، چینین قورشاق یول گیریشیمینه آلتئرناتیو اولاراق اورتایا آتدیغی "کۆره‌سل گئچید" پروگرامییلا، دونیادا تمیز آلت یاپی مالیه‌لشدیرمه‌سی و تیکیمی اوچون ۳۰۰ میلیارد یورولوق بیر سرمایه حرکته گئچیرجیگینی ادعا ائدیر.
ایلگیلی‌لی خبرلر
قازاخیستان-دا داشقین‌لاردان سونرا 54،7 مین نفر ائولرینه قاییدیب
بو باره‌ده فوق العاده حال‌لار ناظیرلیگی‌نین مطبوعات خیدمتی معلومات یاییب.
