باشقوردیستاندا کوتلوی عصیان سوچلاماسییلا دعوی باشلادیلدی
قوشداغی دیرنیشچیلریندن، آکتیویست فایل آلسینووو دستکلهیهنلرین تشکیل ائتدیگی اعتراضلارین آردیندان، "کوتلوی عصیانا" قاتیلانلار علیهینده شکایت آچیلدی
باشقوردیستاندا، ان مشهور قوشداغی دیرنیشچیلریندن، آکتیویست فایل آلسینووو دستکلهیهنلرین تشکیل ائتدیگی اعتراضلارین آردیندان، "کوتلوی عصیانا" قاتیلانلار علیهینده شکایت آچیلدی.
۱۷ ژانویهده بایماک بؤلگه محکمهسی فایل آلسینوو شکایتینه باغلی قرارینی آچیقلادی.
محکمه آلسینووو ائتنیک آیریمچیلیق تملینده نیفرت یایماقدان سوچلو گؤرهرک، دؤرد ایل حبس جزاسینا چارپدیردی. آلسینوو، توتوقلاندی.
قوللوق قوتلرینین ایجازهسیز گؤستریلره قاتیلمامالاری یولونداکی چاغریلارینا باخمایاراق مینلرجه اینسان عدلیه قارشیسیندا توپلاناراق "اؤزگورلوک!" و "اوتانج وئریجی!" شعارلاری وئردی. اعتراضچیلارلا پلیس آراسیندا چاتیشمالار چیخدی. گوونلیک گوجلری باتون و گؤز یاشاردیجی گازدان ایستیفاده ائتدی.
ایچ ایشلری باخانلیغی طرفیندن اساس آلینان قانونا گؤره سؤزو گئدن سوچون جزاسی ۱۵ ایلدیر. توپلوم شوراسی باشقانی رافائل دیوایئو، "باشاینفورما" وئردیگی موصاحیبهده "جزا قانونونون چوخ جدی بیر مادهسیندن، آغیر بیر سوچدان دانیشیریق. کوتوپلو عصیانلار اؤلکهنین میللی گوونلیگی اوچون تهلوکه ایفاده ائدیر، بو سببله بو مددهدن یارغیلانانلار جدی جزالار آلابیلر. بونا گؤره هر کسه دۆشونمهلرینی و حیاتلارینی یوخ ائتمهمهلرینی توصیه ائدرهم. اۆستهلیک بۆتون دارتیشمالی پروبلئملر قانونی اصوللارلا حل ائدیلهبیلر" دئیه دانیشدی.
آلسینوو، قوشداغینین آرتان صنایع گیریشیملره قارشی ساوونولماسی ائیلملری سیراسیندا اۆن قازاندی. قوشداغی، باشقوردیستاندا ایستئرلیتاماک و ایشیمبای شهرلرینین یاخینیندا اولان دؤرد داغدان بیری.
آلسینوو عینی زاماندا ۲۰۲۰.جی ایلدهن بری اقتدارین "آشیریلیقچی" اولاراق تانیملادیغی، باشقوردیستانین اگمنلیگینی ساوونان "باشقورد" آدلی تشکیلاتین دا باشیندا ایدی.
آلسینووون وکیللری بیر نئچه دفعه باشقوردیستانین "بوتون حقوق سیستمینه" گۆونمدیکلرینی آچیقلادی و محکمهنین باشقا بیر بؤلگهده اولماسی لازیم اولدوغونا وورغو ائتدی.
محکمهده آلسینوو و وکیلی برائت طلب ائتدی و آلسینوو اؤزونه یؤنلدیلهن سوچلامالاری رد ائتدی.
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک