باشقورد آکتیویستین گؤزآلتینا آلینماسی اعتراضلارا یول آچدی

روسیانین باشقوردیستان بؤلگه‌سینده یوزلرجه اینسان، آکتیویست فایل آلسینووون گؤز آلتینا آلینماسینا اعتراض ائدیر.

باشقوردیستان بایماک بؤلگه محکمه‌سی ۱۷ ژانویه‌ده، قوش‌داغینین (قوش‌تائو) قورونماسی ائیلملرینین لیدئرلریندن آکتیویست فایل آلسینوو جلسه‌سی ایله باغلی قرارینی آچیقلایاجاق. یوزلرجه اینسان آلسینووو دستکله‌مک اوچون ائیلملر تشکیل ائدیر.

آلسینوو روسیا مقاملاری طرفیندن ائتنیک قروپلار آراسیندا نیفرت یایماقلا سوچلانیر. ۱۷ ژانویه‌ده یئرلی محکمه‌نین قرارینی بیلدیرجگی بایماک شهرینده بؤیوک مقیاسلی بیر ائیلم گئرچکلشدیریلدی. آلسینوو، بؤلگه‌ده معدنچیلیک ائد‌ن کؤچمنلر حاقیندا وئردیگی آچیقلامانین آردیندان ۲۰۲۳ یازیندان بو یانا "کینه و دوشمنلیگی آلوولاندیرماق، اینسانلیق غرورونو آلچالتماقلا" سوچلانیر.

فایل آلسینوو، قوش‌داغینین آرتان صنایع گیریشیملره قارشی ساوونولماسی ائیلملری سیراسیندا اۆن/شهرت قازاندی. قوش‌داغی، باشقوردیستاندا ایسترلیتاماک و ایشیمبای شهرلری یاخینیندا اولان دؤرد داغدان بیریدیر.

آلسینوو عینی زاماندا ۲۰۲۰.جی ایلده‌ن بری اقتدارین "آشیریلیقچی" اولاراق تانیملادیغی، باشقوردیستانین اگمنلیگینی ساوونان "باشقورت" آدلی تشکیلاتین دا باشیندا ایدی.

آلسینووون وکیللری بیر نئچه دفعه باشقوردیستانین "بوتون حقوق سیستمینه" گۆونمدیکلرینی آچیقلادی و محکمه‌نین باشقا بیر بؤلگه‌ده گئچیریلمه‌‌سی لازیم اولدوغونا وورغو ائتدی. آلسینوو محکمه سیراسیندا اؤزونه یؤنلدیله‌ن سوچلامالاری رد ائتدی.

اعتراض گؤستریلری ۱۱ ژانویه‌ده شیکایت مقامینین  فایل آلسینووون دؤرد ایل بویونجا بیر کولونی یئرله‌شیمینده حبسینی ایسته‌مه‌سینین آردیندان باشلادی.