خاریجی ایشلر ناظیری هاکان فیدان قیرغیزیستانا سفر ائدیب
خاریجی ایشلر ناظیری هاکان فیدان قیرغیزیستانا بو اؤلکه‌نین خاریجی ایشلر ناظیری ینبک کولیبایئوین دعوتی ایله گئدیب.
خاریجی ایشلر ناظیری هاکان فیدان قیرغیزیستانا بو اؤلکه‌نین خاریجی ایشلر ناظیری ینبک کولیبایئوین دعوتی ایله گئدیب.
قیرغیزیستاندا کئچیریلن 6-جی بیرگه ایستراتژی توپلانتی‌سیندان سونرا همکاری ینبک کولیبایئو ایله بیرگه مطبوعات کنفرانسی کئچیرن هاکان فیدان ایکی طرف‌لی، بولگه‌سل و قلوبال علاقه‌لری موذاکیره ائتدیک‌لرینی بیلدیریب.
همکارینا ایسراییلین غزه-ده داوام ائدن قیرغین‌لاری و ایسلام امکداش‌لیق تشکیلاتی و عرب بیرلیگی‌نین یاراتدیغی تماس قروپونون ایشلرینی ایضاح ائتدیگینی بیلدیرن فیدان دئییب:
"باشدا باتی اولماقلا اولوسلار آراسی توپلومون غزه-ده تؤره‌دیلن قتل عام قارشی‌سیندا سس‌سیز قالماسی یاخود دا واسیطه‌لی و یا بیر باشا تصدیق ائتمه‌سی‌نین دونیا تهلوکه‌سیزلیگینه یاراتدیغی ریسک‌لر باره‌ده فیکیر موبادیله‌سی آپاردیق و بو مؤوضوع دا فیکیرلریمیزین اوست-اوسته دوشدوگونو گؤردوک. بونونلا باغلی عمومی‌لیکده هر کس عینی فیکیرده‌دیر، اما توققوشما‌لار هله ده داوام ائدیر. مسئله ایله باغلی داها دییشیک آددیم‌لارین آتیلماسی‌نین واجیب‌لیگی اورتایا چیخمیش‌دیر".
هاکان فیدان ینبک کولیبایئوین ایله آیریجا، روسیا-اوکراینا محاربه‌سی باره‌ده ده فیکیر موبادیله‌سی آپاردیق‌لارینی، تورکیه-نین قارا دنیزده ان اوزون ساحیله مالیک اؤلکه کیمی موضعینی، تورکیه-نین اوکراینا و روسیا ایله اینکیشاف ائتدیردیگی علاقه‌لری و تاخیل سازیشینی یئنی‌دن حیاتا کئچیرمکده نئجه تأثیرلی اولا بیله‌جگینی موذاکیره ائتدیک‌لرینی دیله گتیریب.
ایلگیلی‌لی خبرلر
آذربایجان باشباخانی تورکیه‌ده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیله‌جک
