امیرعبداللهیان: آذربایجان ایله ایلیشکیلر دوغرو یولدا ایرلیله‌ییر

ایران خاریجی ایشلر باخانی حسین امیرعبداللهیان، آذربایجان ایله ایلیشکیلرینین "دوغرو یولدا" ایرلیله‌دیگینی سؤیله‌دی.

ایران رسمی آژانسی ایرنانین خبرینه گؤره، خاریجی ایشلر باخانی امیرعبداللهیان ایله آذربایجانلی قونومداشی جئیهون بایراموو، موسکوادا تشکیل ائدیله‌ن و قازاقیستان، روسیا ایله تورکمنیستانین دا قاتیلدیغی خزر اؤلکه‌لری خاریجی ایشلر باخانلاری ییغینجاغینین اوتوروم آرالاریندا بیر آرایا گلدی.

گؤروشمه‌ده، آذربایجان ایله ایران آراسینداکی ایلیشکیلرین "دوغرو یولدا" ایرلیله‌دیگینی ایفاده ائد‌ن امیرعبداللهیان، ایکی اؤلکه لیدئرلری آراسینداکی سون گؤروشمه‌ده ایلیشکیلرین هر ساحه‌ده گلیشدیریلمه‌سی یولوندا آددیملار آتیلدیغینی خاطیرلاتدی.

تهران و باکی آراسیندا کوریدور آچما، تیجاری امکداشلیق، یاریم قالمیش پروژه‌لر قونوسوندا دا یاخشی آنلاشمالار ائدیلدیگینی ایفاده ائد‌ن امیرعبداللهیان، ایکی اؤلکه‌نین ایکیلی ایلیشکیلره داها چوخ سرعت قازاندیرماق اوچون اقتصادی، کۆلتورل، سیاسی، گوونلیک و توریزم ساحه‌لرینی حرکته گئچیرمه‌یه چالیشدیقلارینی قید ائتدی.