اؤزبکیستان، یونسکو توپلانتیسینا ائو صاحیبلیگی ائدهجک
'پاریسده داوام ائدن ۴۲.جی باش قورول ییغینجاغیندا، بیر سونراکی ییغینجاغین اؤزبکیستانین ائو صاحیبلیگینده تشکیل ائدیلمهسی تکلیفی مثبت قارشیلاندی، بو قرار آلیندی'
بیرلشمیش میللتلر تحصیل، بیلم و مدنیت قورومو یونسکونون ۴۳.جو باش قورول ییغینجاغی، ۲۰۲۵.جی ایلده اؤزبکیستانین کۆلتور باشکندی اولاراق سمرقندده تشکیل ائدیلهجک.
اؤزبکیستان خاریجی ایشلر ناظرلیگی
'پاریسده داوام ائدن ۴۲.جی باش قورول ییغینجاغیندا، بیر سونراکی ییغینجاغین اؤزبکیستانین ائو صاحیبلیگینده تشکیل ائدیلمهسی تکلیفی مثبت قارشیلاندی، بو قرار آلیندی' دئییلدی.
باخانلیق، بئلهجه، ۴۰ ایلدن چوخ مدتدیر، یونسکو باش قورول ییغینجاغینین ایلک دفعه پاریس دیشیندا تشکیل ائدیلهجگینی وورغولادی.
اؤزبکیستان جمهورباشقانلیغی مطبوعات مرکزی ده، شؤوکت میرضیایئوین، اؤلکهسینین بوتون اورتاقلارینا، یونسکونون باش قورول ییغینجاغینین ۲۰۲۵.جی ایلده سمرقندده تشکیل ائدیلمهسی اوچون "آلینان تاریخی اؤزللیکلی قراری' دستکلهدیگی اوچون تشکر ائتدیگینی بیلدیردی.
جمهورباشقان میرضیایئو، 'بؤلگهمیزده ایلک دفعه تشکیل ائدیلهجک اولان بو اؤنملی و قلوبال اؤلچوده حساس فعالیتین، اورتا آسیا دؤولتلرینین و اؤزبکیستانین بؤیوک مدنیت گوجونو و پتانسیلینی بۆتون دونیایا بیر دفعه داها سرگیلهیهجگیندن آرخایینام' دئدی.
میرضیایئو، اؤزبکیستانین، بو فعالیتین تشکیلی و باش قورول ییغینجاغینی ان یوکسک سویهده تشکیل ائتمک اوچون الیندن گلهنی ائدجگینی سؤیلهدی.
اؤزبکیستانین، یونسکونون دونیا میراث و ملموس اولمایان دونیا میراثی لیستلرینده ۳۰دان چوخ یاپی/قورولوش و عنصورو وار. بونلاردان بعضیلری بئلهدیر:
سمرقند، بوخارا و شهرسبز تاریخی شهر مرکزلری، خیوهدهکی ایچان-قالا و داشکند یئرلری.
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک