تورک دونیاسی آرکئولوژی آراشدیرما انستیتولاری بیرلیگی قورولدو
تورک دؤولتلری تشکیلاتی کاتیبلیگی دستگی ایله ۹-۱۰ نویامبردا اؤزبکیستانین سمرقند شهرینده تورک دونیاسی آرکئولوژی انستیتولاری و مرکزلری باشقانلاری بیرینجی ایش ییغینجاغی تشکیل ائدیلدی
تورک آکادمیسی بنیهسینده تورک دونیاسی آرکئولوژی آراشدیرما انستیتولاری و مرکزلری بیرلیگی (آریجا) قورولدو.
تورک دؤولتلری تشکیلاتی کاتیبلیگی دستگی ایله ۹-۱۰ نویامبردا اؤزبکیستانین سمرقند شهرینده تورک دونیاسی آرکئولوژی انستیتولاری و مرکزلری باشقانلاری بیرینجی ایش ییغینجاغی تشکیل ائدیلدی.
فعالیته تورک آکادمیسی باشقانی شاهین مصطفییئو، آذربایجان، قازاقیستان، قیرقیزیستان، تورکیه، اؤزبکیستان، روسیایا باغلی تاتاریستان جمهوریتی، اؤزبکیستانین قاراقالپاقیستان جمهوریتی و موغولستاندان آرکئولوژیک آراشدیرما انستیتولاری و مرکزلرینین اوست سویه ایدارهچیلری، آرکئولوگلار و متخصصلر قاتیلدی.
ییغینجاغین آچیلیش دانیشماسیندا تورک آکادمیسی باشقانی مصطفییئو، تورک اؤلکهلریندهکی آرکئولوژی آراشدیرمالاری کووردینه ائتمک و مؤوجود پروبلئملری بیرلیکده حل ائتمک اوچون تورک دونیاسینین آرکئولوژی انستیتولارینی و مرکزلرینی بیرلشدیرهن بیر قورولوشون یارادیلماسینین اؤنمینی وورغولادی.
ییغینجاقدا تورک دؤولتلری و توپلولوقلاری آراسینداکی آرکئولوژی ساحهسیندهکی امکداشلیق مسئلهلرینی اله آلان ایشتیراکچیلار، آرکئولوژیک آراشدیرما انستیتولاری و مرکزلرینین بیر شبکه قورابیلهجگی، بیلگی پایلاشابیلهجگی و اورتاق آراشدیرما و فعالیتلر ایجرا ائدهبیلهجگی بیر پلتفورم یارادیلماسی قونوسوندا راضی قالدی.
قاتیلیمچیلار، تورک آکادمیسی بنیهسینده تورک دونیاسی آرکئولوژی آراشدیرما انستیتولاری و مرکزلری بیرلیگینین قورولماسینا باغلی پروتوکولو ایمضالادی.
ییغینجاق چرچیوهسینده آیریجا تاتاریستان جمهوریتی بیلیملر آکادمیسی طرفیندن حاضرلانان ۷ جیلدلیک "وولگا-اورال بؤلگهسی آرکئولوژیسی" اثرینین تانیتیمی ائدیلدی.