قاراباغ ظفری سارایئوودا قوتلاندی
"قاراباغ بیر نئچه ایل ایچینده دونیانین ماراغینی چکهجک توریزم و مدنیت مرکزی حالینا گلهجک"
آذربایجان ظفر بایرامی و قاراباغ ظفرینین ۳.جو ایلی سببی ایله، بوسنی هرزگووینده آذربایجانین سارایئوو ائلچیلیگی طرفیندن دوبرینژا بؤلگهسینده اولان آذربایجان دوستلوق پارکیندا مراسیم تشکیل ائدیلدی.
مراسیمه، آذربایجانین سارایئوو ائلچیسی ویلایت قولییئو، تورکیهنین سارایئوو ائلچیلیگی و تورک قورولوشلاری نمایندهلری، معاریف اوخولو اؤیرنجیلری ایله قوناقلار قاتیلدی.
قوناقلارین عابده ساحهسینه قرنفیل قویماسییلا باشلایان مراسیمده، تورکیهنین سارایئوو ائلچیلیگی دین خیدمتلری موشاویری مصطفی گوونچ، شهیدلر اوچون قرآن کریم اوخودو و دعا ائتدی.
ائلچی قولییئو، قاراباغ ظفرینین آذربایجان تاریخینده چوخ اؤنملی بیر یئر الده ائتدیگینی سؤیلهدی.
قاراباغ ظفرینی، "یالنیز آذربایجانین دئییل تورکیهنین ده بایرامی" اولاراق تانیملایان قولییئو، بئله دانیشدی:
"۴۴ گونلوک ساواش بویونجا هم تورک خالقی هم ده تورکیه، آذربایجانین یانیندا اولدو و بیز بو ظفره چاتدیق. آذربایجان بو گون او ظفرین ایلک گؤزللیکلرینی گؤرمکدهدیر. ۲۸ ایل ایشغال آلتیندا قالان قاراباغدا شهر و کندلر اوناریلیر، یوللار و هاوا لیمانلاری سالینیر. انشاالله بیر نئچه ایله قاراباغ، دونیانین دقتینی چکهن بیر یئر اولاجاق".
قولییئو، قاراباغین بیر نئچه ایل ایچینده دونیانین ماراغینی چکهجک توریزم و مدنیت مرکزی حالینا گلهجگینی اومود ائتدیگینی سؤیلهدی.
۲۰۲۰.جی ایلده آذربایجان اوردوسو، تخمیناً ۳۰ ایلدیر ارمنی ایشغالی آلتیندا قالان قاراباغین استراتژیک باخیمدان اؤنملی شهری و سمبولو شوشایا گیرهرک شهری ایشغالدان قورتاردی.
ارمنیستان اوردوسونون قاراباغداکی آذربایجان یئرلهشیم یئرلرینه سالدیریسینین آردیندان آذربایجان اوردوسو، ۲۷ سپتامبر ۲۰۲۰ده قارشی سالدیری باشلاتمیش و قاراباغین ۳۰۰دن چوخ مسکونلاشما یئرینین قورتاریلماسی اوچون وئریلهن ساواش ۴۴ گون داوام ائتمیشدی.
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک