جئیحون بایراموو صربیستانا سفر ائتدی

صربیستان جمهورباشقانی الکساندار ووچیچ، آذربایجان خاریجی ایشلر باخانی جئیحون بایرامووو قبول ائتدی.
صربیستان جمهورباشقانی ارتباط سرویسی، ووچیچ و بایرامووون، ایکیلی یاخین ایلیشکیلرین گله‌نکسل اولاراق قارشیلیقلی گووه‌نه و اولوسلارآراسی حقوقون تمل قانونلارینا باغلیلیق اولاراق چوخ یوکسک سویه‌ده اولدوغونو ممنونیتله ایفاده ائتدیلر.
آچیقلامادا، "جمهورباشقانی ووچیچ، آذربایجان جمهوریتینین صربیستان جمهوریتینین تورپاق بوتونلوگو و اگمنلیگینه باغلی دارتیشماسیز توتوموندان اؤترو اؤزل تشکرلرینی دیله گتیردی" ایفاده‌سی یئر آلدی.
جمهورباشقانی ایلهام علییئوین سلاملارینی چاتدیران بایراموو، صربیستانین موستقیل خاریجی سیاستینین یانیندا اقتصادیاتینین مکمل نتیجه‌لرینه دویدوغو سایغینی دیله گتیردی.
آچیقلامادا "گؤروشمه سیراسیندا، ایکی اؤلکه آراسینداکی اقتصادی امکداشلیق دا موذاکیره ائدیلدی و بلگراد-باکی منتظم هاوا یولو خطینین آچیلماسینین بو امکداشلیغا قاتقی وئره‌جگی بیلدیریلدی" ایفاده‌سینه یئر وئریلدی.
ووچیچ و بایراموو انرژی قونوسونو دا دانیشدیلار. بو وسیله ایله ووچیچ، صربیستانین، بولقاریستان ایله طبیعی گاز ایلیشکیسی قورولماسییلا گونئی طبیعی گاز کوریدورونون بیر پارچاسی حالینا گلدیگینی و آذربایجاندان گاز آلیشینا باغلی آنلاشماسینین انرژی گوونلیگینین تامین ائدیلمه‌سینه کؤمک ائده‌جگینی ایفاده ائتدی.
ووچیچ، جمهورباشقانی علییئوین صربیستان-بولقاریستان طبیعی گاز آرا باغلانتیسینا باغلی ایشلرین تاماملانماسی موناسیبتی ایله صربیستانا سفر ائدجگی یولونداکی اومودونو دیله گتیردی. بو وسیله ایله، ایکی اؤلکه‌نین تمل اورتاق چیخارلاری اوچون یئنی فورصتلر تامین ائد‌جک اولان صربیستان و آذربایجان استراتژیک اورتاقلیق شوراسی ییغینجاغی دا تشکیل ائدیله‌جک.
بایراموو، صربیستاننین باشکندی بلگرادداکی رسمی گؤروشمه‌لری چرچیوه‌سینده، صرب قونومداشی ایویکا داجیچ ایله ده گؤروشدو.
گؤروشمه‌نین آردیندان تشکیل ائدیله‌ن اورتاق مطبوعات توپلانتیسیندا دانیشان بایراموو، ایکی اؤلکه ایلیشکیلرینین اولدوقجا یاخشی سویه‌ده اولدوغونو ایفاده ائد‌رک، "آذربایجانین تورپاق بوتونلوگو و اگمنلیگینی هر زامان مدافعه ائد‌ن صربیستانا تشکر ائدیره‌م" دئدی.
یئنی ایش‌بیرلیکلری و پروژه‌لر اوچون اورتاق چالیشمانین اؤنمینه وورغو ائد‌ن بایراموو، صربیستاندا فعالیت گؤستره‌ن آذربایجان منشأ‌لی فیرمالاری داها چوخ امکداشلیق اوچون تشویق ائتدیکلرینی سؤیله‌دی.
داجیچ ده آذربایجان ایله ایلیشکیلرینین یوکسک سویه‌ده اولدوغونا دقت چکه‌رک، آذربایجان ایله انرژی و گاز ساحه‌لرینده داها چوخ امکداشلیغا آچیق اولدوقلارینی قید ائتدی.
بایراموو و داجیچ آیریجا دیپلوماتیک نماینده‌لرین عائله عضولرینین اؤدنیشلی استخدام ائدیلمه‌سینه باغلی امکداشلیق پروتوکولو ایمضالادی.