قازاقیستاندا ۳ مین ۴۰۰ ایللیک پیرامید تاپیلدی
قازاقیستاندا، تورک تاریخینی دییشدیره‌بیله‌جک بیر کشفه ایمضا آتیلدی
تورک تاریخینی دییشدیره‌بیله‌جک کشف: قازاقیستاندا ۳ مین ۴۰۰ ایللیک پیرامید/هرم تاپیلدی.
قازاقیستاندا، تورک تاریخینی دییشدیره‌بیله‌جک بیر کشفه ایمضا آتیلدی.
قازاقیستانین کاراقاندا ایالتینده، ایسکیت-ساکا توپلومو ائرکه‌ن دؤنمینه عاید پیرامید شکلینده بیر مزار تاپیلدی. متخصصلر، کاراژارتاس آنید مزارینین، آندرونووو دؤنمینین سون مرحله‌سینی اولوشدوران بئگازی-داندیبای دؤنمیندن بیر حؤکمدارا عاید اولدوغونو سؤیله‌ییر.
کاراقاندا ایالتینین شئت ائلچه‌سینده یئر آلان و کاراقاندا اونیوئرسیته‌سی ساری آرخا آرکئولوژی هیئتی طرفیندن بللی ائدیله‌ن کاراژارتاس آنید مزارینداکی ایشلر، دؤرد قازینتی مؤوسومو سوردو.
قازاقیستان جمهوریتی میللی موزه‌سیندن دکتر آیبار کاسنالی، کشف ائدیله‌ن پیرامیدله باغلی ایلک دگرلندیرمه‌نی ت‌رت خبره ائتدی.
کاسنالی، تاپینتیلار اوزرینده ائدیله‌ن کربن ۱۴ آنالیزلرینین نتیجه‌سینه گؤره، پیرامید قورولوشونون میلاددان اؤنجه ۱۴.جو ایله ۱۲.جی عصرلر آراسینا تاریخلندیریلدیگینی آچیقلادی.
"پیرامید بئگازی داندیبای دؤنمینه عاید"
دکتر کاسنالی، بو تاریخله‌ندیرمه‌نین نه معنایا گلدیگینی بو سؤزلرله ایضاح ائتدی:
"بؤلگه‌ده تعیین ائدیله‌ن بیردن چوخ پیرامیدال پیلله‌لی آنید مزارلارین وارلیغی، ساری آرخا چؤللری ایچریسینده یئر آلان تالدی چای وادیسینین، تونج/برنز چاغیندا آندرونووو توپلولوقلاری طرفیندن مصرده‌کی نیل وادیسی کیمی بؤیوک لیدئرلرینین باسدیریلدیغی کراللار وادیسی اولاراق ایستیفاده ائدیلدیگینی گؤستریر".
کاسنالی، مزار اوتاغینداکی تاپینتیلار آراشدیریلدیغیندا، چؤل پیرامیدینین آندرونووو دؤنمینده قازاق چؤللرینه حؤکم ائد‌ن یئرلی بیر حؤکمدار آدینا تیکدیریلمیش اولابیله‌جگینی سؤیله‌دی:
آیبار کاسنالی، کاراژارتاس پیرامیدینده اولان کسمه داشلار و آنید مزارین اؤلچوسونه باخیلدیغیندا تونج چاغیندا و چؤل کیمی اولدوقجا قوراق بیر بؤلگه‌ده بئله‌سینه بؤیوک بیر قورولوشون تیکیلمیش اولماسینین، بئگازی داندیبای توپلولوقلارینین چاتمیش اولدوغو یوکسک صنعت آنلاییشی و زنگین روحانی اینانیشین گؤستریجیسی اولدوغونو وورغولادی.
بئگازی داندیبای دؤنمی: قازاقیستاندا دؤولت اولوشومونون آلت ائوره‌لری/مرحله‌لری
دکتر سرحان چینار ایسه بئگازی داندیبای مدنیتینه باغلی بو معلوماتلاری وئردی:
باتی تورکیستان ساحه‌سینین گئچ تونج چاغینی تمثیل ائد‌ن بئگازی داندیبای مدنیتینین آنا اقتصادی اوغراشی/مشغولیتی مئتال صادراتی ایدی.
اؤزللیکله کاراژارتاس پیرامیدینی تیکدیره‌ن بئگازی دؤنمی حؤکمدارلاری، گونئیده تورکمنیستان نامازگاه تپه ۴، باتیدا خوارزم تاقیسکن تاپینتیلاری و دوغودا آلتای داغلارینا قدر اوزانان گئنیش بیر ساحه‌یه مئتال صادراتی ائتدیلر. بو یئنی مرحله، بؤلگه‌ده چؤل آریستوکراسینین شکیللندیگی یئنی بیر سوسیال ائلیتیزم اولاراق اورتایا چیخدی. بئله‌جه قازاقیستاندا ایلک دفعه چؤل توپلولوقلاری آراسینداکی دؤولت میدانا گلمه‌سینین آلت ائوره‌لری شکیلله‌نمه‌یه باشلادی.
کاراژارتاس پیرامیدینین ائرکه‌ن تورک آرکئولوژی و تاریخ آراشدیرمالارینداکی یئری
کاراژارتاس پیرامیدینین ائرکه‌ن تورک آرکئولوژی و تاریخ آراشدیرمالارینداکی یئرینی سرحان چینار دگرلندیردی:
"بئگازی داندیبای بیرلیکلری، پروتو-تورک مدنیتینی اولوشدوران گونئی سیبرینین کاراسوک مدنیتی ایله ده یاخیندان باغلانتیلارینین اولدوغونو گؤستریر.
اؤزللیکله بئگازی داندیبای ائوره‌سینه عاید آنید مزارلارداکی مزار اوتاغینا گئدن کوریدورلار، گله‌نکسل تورک دینی اینانیشینین بیر تظاهرو اولاراق هر زامان گونشین دوغولدوغو ایستیقامته دوغرو آچیلیر.
یئنه بو دؤنمه عاید مزارلاردا گؤروله‌ن یومرو تیپلی سرامیک قابلار، چؤل اورتامیندا کولتورل بیر داواملیلیغین سمبلو اولاراق ایسکیت-ساکا دؤنمی آئین قابلارینا، داها ایر‌لیله‌یه‌ن دؤنمده ایسه آسیا هون دؤنمیندن اعتباراً تورک قبیله‌لری آراسیندا سیخلیقلا گؤروله‌ن گله‌نکسل تؤکمه قازانلارین آرخائیک وئرسیونلارینی اولوشدورور.
یئنه مزار ساحه‌لرینده گؤروله‌ن هند‌سی بزه‌مه‌لر و دامغا تیپی کاراکترلر، ائتنوگرافیک و تاریخی داواملیلیق باخیمیندان اورتا عصرلر دؤنمی تورک قبیله‌لرینین صنعتینده یئر تاپیر".
ایلگیلی‌لی خبرلر
آذربایجان باشباخانی تورکیه‌ده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیله‌جک
