یونانیستانین سلانیک شهرینده‌کی آتاتورک ائوینده تؤره‌ن
"یاشادیغیمیز بو چتین گونلر، آتامیزین گؤستردیگی ایستیقامتین، یعنی 'یورددا باریش، دونیادا باریش' سیاستینین نه قدر دوغرو و ایر‌لی گؤروشلو اولدوغونو گؤسترمکده‌دیر"
یونانیستانین سلانیک شهرینده‌کی آتاتورک ائوینین باغچاسیندا، تورکییه جمهوریتینین قورولوشونون ۱۰۰.جو ایلی دولاییسیلا مراسیم تشکیل ائدیلدی.
تورکیه‌نین سلانیک باش کونسوللوغو طرفیندن تشکیل ائدیله‌ن تؤره‌نده، باشدا جمهوریتین قوروجوسو غازی مصطفی کمال آتاتورک اولماق اوزره بوتون شهیدلر و غازیلر اوچون بیر دقیقه‌لیک سایغی دوروشونون آردیندان ایستیقلال مارشی اوخوندو.
تورکیه‌نین سلانیک باش کونسولو سرکان گئدیک، مراسیمده ائتدیگی دانیشمادا،
"بو اؤزل گونده جمهوریتین قوروجوسو مصطفی کمال آتاتورکون معنوی حضوروندا، حیاتا گؤزلرینی آچدیغی ائوده اولمانین غرور و موتلولوغونو یاشاییریق" دئدی.
آتاتورک ائوینی گؤرمه‌یه گلن گنج و اوشاقلارین جمهوریت بیلینجی و آتاتورک سئوگیسینین غرور وئریجی اولدوغونو سؤیله‌یه‌ن گئدیک،
"یاشادیغیمیز بو چتین گونلر، آتامیزین گؤستردیگی ایستیقامتین، یعنی 'یورددا باریش، دونیادا باریش' سیاستینین نه قدر دوغرو و ایر‌لی گؤروشلو اولدوغونو گؤسترمکده‌دیر" ایفاده‌سینی ایشلتدی.
مراسیم، تورکیه‌دن گئدن اؤیرنجیلرین اوخودوغو آتاتورک اوشاقلاری مارشییلا سونا چاتدی.
