تورک دؤولتلری تشکیلاتی مئدیا چالیشما قروپو توپلاندی
باشکند بیشکئک‌ده تشکیل ائدیله‌ن ییغینجاغا، آذربایجان، تورکیه، قیرقیزیستان، قازاقیستان، اؤزبکیستان و تورکمنیستان‌دان مقاملار و مئدیا یؤنه‌تیچیلری قاتیلدی
تورک دؤولتلری تشکیلاتی مئدیا و بیلگی ساحه‌سینده امکداشلیق ایش قروپو ۱۰.جو ییغینجاغی قیرقیزیستان‌دا گئرچکلشدی.
مدنیت، انفورماسیون، ایدمان و گنجلیک سیاستی باخان کؤمکچیسی چنگیز اسنگول اولونون باشقانلیغیندا باشکند بیشکئک‌ده تشکیل ائدیله‌ن ییغینجاغا، آذربایجان، تورکیه، قیرقیزیستان، قازاقیستان، اؤزبکیستان و تورکمنیستان‌دان مقاملار و مئدیا یؤنه‌تیچیلری قاتیلدی.
ییغینجاغا، تورکیه‌دن جمهورباشقانلیغی ایله‌تیشیم باشقانلیغی توپلوم دیپلوماسیسی دایره باشقانی اوغوز گون‌ار، آنادولو آژانسی استراتژیک ایله‌تیشیم و خاریجی ایلیشکیلر مودورو حازال دوران، ت‌رت آواز دیش ایلیشکیلر و قورومسال ایله‌تیشیم مسئولو گؤکچن اوغان ایله جمهورباشقانلیغی ایله‌تیشیم باشقانلیغی مسئوللاری دا قاتیلدی.
ییغینجاقدا، تورک دؤولتلری تشکیلاتی عضوو اؤلکه‌لر آراسیندا مئدیا ساحه‌سینده بیلگی و باجاریقلارین پایلاشیمیندا امکداشلیغین اینکیشاف ائتدیریلمه‌سی ایله باغلی بیر ایللیک حرکت پلانی، اؤزبکیستان‌دا تشکیل ائدیله‌جک ۲.جی اولوسلارآراسی مئدیا فورومو، باخانلیق نماینده‌لرینه دایر تعلیم پروگرامی، اورتاق بیر خبر کانالینین قورولماسی، تورک خبر آژانسلاری بیرلیگینین یارادیلماسی موذاکیره ائدیلدی.
مئدیا و انفورماسیون ساحه‌سینده امکداشلیق چالیشما قروپو ییغینجاغی چرچیوه‌سینده، "صونعی ذکا اویقولاماسی چت‌جی‌پی‌تی نومونه‌سینده صونعی ذکانین اوستونلوکلری و سورونلاری" و "۲۱.جی عصرده بیر گوونلیک تهدیدی اولاراق هیبرید ساواشلار" قونولو ایکی اوتوروم ائدیلدی.
ایلگیلی‌لی خبرلر
آذربایجان جمهوریتیندن رئیسی اوچون باش‌ساغلیغی
آذربایجان جمهورباشقانی ایلهام علییئو، ایران دینی لیدئری علی حامنه‌اییه باش‌ساغلیغی مئساژی گؤندردی
