"آذربایجان ایله تورکیه آراسیندا چوخ بؤیوک ایش‌بیرلیکلری اولاجاق"
آذربایجان انرژی باخانی پرویز شاهبازوو، تورکیه ایله آذربایجان آراسیندا طبیعی گازدان نفته بیر چوخ ساحه‌ده امکداشلیغین سوردوگونو ایفاده ائتدی
آذربایجان انرژی باخانی پرویز شاهبازوو، تورکیه ایله آذربایجان آراسیندا طبیعی گازدان نفته بیر چوخ ساحه‌ده امکداشلیغین سوردوگونو ایفاده ائد‌رک،
"گله‌جکده انشاالله ایکی قارداش اؤلکه آراسیندا چوخ بؤیوک ایش‌بیرلیکلری اولاجاق" دئدی.
شاهبازوو، روسیانین باشکندی موسکوادا تشکیل ائدیله‌ن روس انرژی هفته‌سی چرچیوه‌سینده، انرژی بؤلومونده تورکیه ایله آذربایجان امکداشلیغینا دایر دگرلندیرمه‌لر وئردی.
ایکی اؤلکه‌نین فرقلی ساحه‌لرده امکداشلیق ائتدیگینه ایشاره ائد‌ن شاهبازوو،
"تورکیه ایله آذربایجان قارداش اؤلکه‌لردیر. بوتون ساحه‌لرده چوخ گئنیش امکداشلیق وار. عینی زاماندا انرژی ساحه‌سینده ده چوخ بؤیوک ایش‌بیرلیکلری وار" دئیه دانیشدی.
ایغدیردان آذربایجانا باغلی ناخچیوان اؤزارک جمهوریتینه طبیعی گاز داشیماسی پلانلانان بورو خطینین تملینین قیسا مدت اؤنجه آتیلدیغینی خاطیرلادان شاهبازوو،
"بیر نئچه گون اول ناخچیوان‌دا جمهورباشقانلارینین قاتیلیمییلا تورکیه‌دن ناخچیوانا گاز بورو خطینین تملی قویولدو" دئدی.
شاهبازوو، تورکیه ایله ناخچیوان آراسیندا الکتریک باغلانتیسی حاقیندا امکداشلیغا ایمضا آتیلدیغینا دقت چکه‌رک، بو ایستیقامتده ایشلرین سورجگینی سؤیله‌دی.
تورکیه ایله آذربایجان آراسینداکی انرژی امکداشلیغینین چوخ ساییدا بؤلومده سوردوگونو وورغولایان پرویز شاهبازوو،
"آذربایجان ایله تورکیه آراسیندا نفت، گاز، پتروشیمی و یئنیلنه‌بیلیر انرژی ساحه‌لرینده چوخ بؤیوک بیر امکداشلیق وار و انشاالله بو امکداشلیغی بیز موطلق گله‌جکده ده گلیشدیره‌جییک" دئدی.
شاهبازوو، آذربایجانین تورکیه‌یه یالنیز طبیعی گاز گؤندرمه‌دیگینی ایفاده ائد‌رک،
"تورکیه اوزریندن بیزیم بیر چوخ پروژه‌میز گئدیر. تاناپ دا بونلاردان بیری. تاناپین گله‌جکده گئنیشلدیلمه‌سی مسئله‌لری وار. گله‌جکده انشاالله ایکی قارداش اؤلکه آراسیندا چوخ بؤیوک ایش‌بیرلیکلری اولاجاق" ایفاده‌لرینی ایشلتدی.
ایلگیلی‌لی خبرلر
آذربایجان باشباخانی تورکیه‌ده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیله‌جک
