قاراباغداکی پاتلامادا اؤلنلرین ساییسی ۶۸ نفره یوکسلدی
خانکندی-عسگران یولو اوزرین‌ده اولان بنزین ساخلاما تاسیسینده‌کی پاتلاما سببی ایله چیخان یانغیندا اؤلنلرین ساییسی ۶۸ نفره یوکسلدی
آذربایجانین قاراباغ بؤلگه‌سینده، خانکندی-عسگران یولو اوزرین‌ده اولان بنزین ساخلاما تاسیسینده‌کی پاتلاما سببی ایله چیخان یانغیندا اؤلنلرین ساییسی ۶۸ نفره یوکسلدی.
ارمنیستانین رسمی خبر آژانسی آرمن‌پر‌سین قاراباغداکی ارمنی نماینده‌لره دایاندیردیغی خبره گؤره، سیراغا گون چیخان یانغیندا اؤلنلرین ساییسی ۶۸ اولارکن، عدلی طب قورومو، جسدلردن ۲۱ینین کیملیگینین معین ائدیلدیگینی آچیقلادی.
یانغیندان تاثیرلندیگی دوشونوله‌ن ۱۰۵ نفرین عاقیبتینین ایسه هله معین ائدیله‌بیلمه‌دیگی قید ائدیلدی.
خسته‌خانالاردا معالیجه گؤره‌ن ۲۹۰ یارالیدان ۱۶۸ی ارمنیستان‌داکی خسته‌خانا و یانیق معالیجه مرکزلرینه نقل ائدیلدی.
آذربایجانین قاراباغ بؤلگه‌سینده، ۲۵ سپتامبردا خانکندی-عسگران یولو یاخینلاریندا بیر بنزین ساخلاما ساحه‌سینده میدانا گلن پاتلاما و سونراسیندا چیخان یانغیندا چوخ ساییدا اینسانین اؤلدوگو، ۲۹۰ نفرین یارالاندیغی بیلدیریلمیشدی.
آذربایجان فؤوق‌ا‌لعاده حاللار باخانلیغی، بنزین ساخلاما ساحه‌سینده چیخان یانغینین آذربایجان‌لی یانغین سؤندوروجولر طرفیندن سؤندورولدوگونو آچیقلامیشدی.
ایلگیلی‌لی خبرلر
آذربایجان جمهوریتیندن رئیسی اوچون باش‌ساغلیغی
آذربایجان جمهورباشقانی ایلهام علییئو، ایران دینی لیدئری علی حامنه‌اییه باش‌ساغلیغی مئساژی گؤندردی
