آذربایجان قاراباغ بؤلگهسینه یاردیم گؤندردی
آذربایجانین، بیر بنزین ساخلاما تاسیسینده میدانا گلن پاتلاما و سونراسیندا چیخان یانغینین آردیندان، بؤلگه خالقینا کؤمک اوچون بوتون ایمکانلاری سفربر ائتدیگی بیلدیریلدی
آذربایجانین، قاراباغ بؤلگهسینده دونن بیر بنزین ساخلاما تاسیسینده میدانا گلن پاتلاما و سونراسیندا چیخان یانغینین آردیندان، بؤلگه خالقینا کؤمک اوچون بوتون ایمکانلاری سفربر ائتدیگی بیلدیریلدی.
آذربایجان جمهورباشقانی موشاویری حیکمت حاجییئو، سوسیال مئدیا حسابیندان یاییملادیغی آچیقلامادا، یاشانان حادثهدن ضرر گؤرهن بؤلگهنین ارمنی خالقینا کؤمک آماجییلا آذربایجانین بوتون ایمکانلارینی سفربر ائتدیگینی، آغدام، صابیرآباد و ساعاتلی خستهخانالارینین یارالیلارین قبولو و معالیجهسی اوچون پرسنل ایله تفویه ائدیلدیگینی ایفاده ائتدی.
یانیق معالیجهسینده لازیم اولان درمانلایار و طبی لوازمین یانیندا بؤلگهیه یئمک یاردیمی دا ائدیلدیگینی بیلدیرن حاجییئو، کؤمکلرین بو گون و گلن گونلرده ده داوام ائدجگینی وورغولادی.
حاجییئو، ارمنیستاندان قاراباغ بؤلگهسینه ساغلیق قروپونو داشییان هلیکوپترین گئچیشینه ایجازه وئریلدیگینی و اولوسلارآراسی قیزیل خاچ کمیتهسی مفاملاری ایله گوروس-قافان-ائیوازلی-فضولی-شوشا-خانکندی یولوندا طبی تخلیهلر اوچون علاوه تدبیرلر آلینماسی یولوندا چالیشما یئریدیلدیگینی ایفاده ائتدی.
ارمنیستانین رسمی خبر آژانسی آرمنپرسین قاراباغداکی ارمنی نمایندهلردن آلدیغی بیلگیلره گؤره، خستهخانایا یارالی آپاریلان ۷ نفر قورتاریلابیلمهدی، کیملیگی معین اولونابیلمهیهن ۱۳ جسد عدلی طب میتخاناسینا قالدیریلدی و مختلیف درجهلرده یانیقلاری اولان ۲۹۰ دولاییندا یارالی دا معالیجه گؤرور.
۲۵ سپتامبردا، آذربایجانین قاراباغ بؤلگهسینده، خانکندی-عسگران یولو یاخینلاریندا بیر بنزین ساخلاما تاسیسینده میدانا گلن پاتلاما و سونراسیندا چیخان یانغیندا چوخ ساییدا اینسانین اؤلدوگو، ۲۰۰دن چوخ اینسانین یارالاندیغی بیلدیریلمیشدی.
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک