قوزلوکؤرپو یاشاییش منطقهسی اراضیسینده مهمات انباری آشکار اولونوب
بو بارهده آذربایجان ساوونما ناظیرلیگیندن معلومات وئریلیب.
کلبجر رایونونون قوزلوکؤرپو یاشاییش منطقهسی اراضیسینده مهمات انباری آشکار اولونوب.
بو بارهده آذربایجان ساوونما ناظیرلیگیندن معلومات وئریلیب.
بیلدیریلیب کی، یاشاییش منطقهسی اراضیسینده یئرلشن مزرعهنین تیکیلیلری اوزون مدت مهمات انباری مقصدی ایله ایستیفاده ائدیلیب. بورادا راکت، توپ مرمیلری، خمپاره لر و موختلیف چاپلی دؤیوش تجهیزات لاری مؤوجود اولوب.
قئید اولونان تجهیزاتین عاجیل طبی یاردیم ماشینی ایله مزرعهنین اراضیسینه داشیندیغی دا معین ائدیلیب.
قئید ائدک کی، آذربایجان اوردوسو آنایاسا قورولوشونون یارادیلماسی مقصدیله سپتامبرین 19-دا قاراباغ-دا آنتیترور عملیاتینا باشلاییب.
قاراباغ-دا قانونسوز ائرمنی سلاحلی بیرلشمهلری 24 ساعات داوام ائدن عملیاتدان سونرا سلاحلارینی یئره قویوب.
دیگر طرفدن، آذربایجانین باش ساووجیسی بیلدیریب کی، قاراباغ بؤلگهسینده آنتیترور عملیاتی حیاتا کئچیرن آذربایجان عسگرلری قانونسوز ائرمنیستان سلاحلی قوهلرینین ماشینی ایله سهو سالاراق آتشه توتدوغو ماشیندا اولان 5 روسیا عسگری هلاک اولوب، ائرمنیستان سلاحلی قوهلرینین آچدیغی آتیش نتیجهسینده ده 1 روس عسگری حیاتینی ایتیریب.
آچیقلامادا قئید اولونوب کی، هر ایکی فاکتلا باغلی آراشدیرما باشلادیلیب، آذربایجان و روسیانین باش ساووجیلاری سوروشدورمانین هرطرفلی و جامع شکیلده آپاریلماسی اوچون تلفون دانیشیغی بارهده راضیلیغا گلیبلر.
پرزیدنت ایلهام علی یئو روسیا پرزیدنتی ولادیمیر پوتین ایله تلفون دانیشیغیندا تقصیرکارلارین لازیمی جزانی آلاجاغینی، هلاک اولانلارین عائلهلرینه مادی یاردیم گؤسترمهیه حاضیر اولدوغونو بیلدیریب.