کرکوکده تورکجه، رسمی دیل اولاراق ایستیفاده ائدیلهجک
کرکوک والیلیگی، شهردهکی دؤولت قوروملارینین رسمی یازیشمالاری، تابلولاری و ترافیک ایشاره لؤوحهلرینه تورکجهنین علاوه اولونماسی تاپشیریغینین یئر آلدیغی ابلاغیهنی ایلگیلی قوروملارا گؤندردی
عراقدا کرکوک والیلیگی رسمی یازیشمالاردا و تابلولاردا "اهمال ائدیلهن" تورکجهنین یئنیدن رسمی دیل اولاراق ایستیفاده ائدیلمهسی تاپشیریغی وئردی.
کرکوک والیلیگی، شهردهکی دؤولت قوروملارینین رسمی یازیشمالاری، تابلولاری و ترافیک ایشاره لؤوحهلرینه تورکجهنین علاوه اولونماسی تاپشیریغینین یئر آلدیغی ابلاغیهنی ایلگیلی قوروملارا گؤندردی.
والیلیگین ابلاغیهسینه گؤره، تورکجه، رسمی قوروملارین آرملی کاغیذلاری و مؤهورلرینده ده یئر آلاجاق.
کرکوک والیلیگی مطبوعات مسئولو مروان الآنی، قونویلا باغلی وئردیگی آچیقلامادا، کرکوکده عربجه، کوردجه و سوریانیجه کیمی تورکجهنین ده دؤولت قوروملارینین یازیشمالاری و تابلولاریندا ایستیفاده ائدیلمهسینین آنایاسال حاق اولدوغونو ایفاده ائتدی.
عراق مجلیسیندهکی تورکمن قروپ باشقانی و کرکوک میللت وکیلی ارشد صالحی، ۱۱ سپتامبردا کرکوک والیسی راکان الجبوریه گؤندردیگی رسمی طلب یازیسیندا، عراق آنایاساسینا گؤره تورکمنلرین آنا دیلی تورکجهنین ده شهردهکی رسمی قورو تابلولاری، مؤهورلری و ترافیک لؤوحهلرینده ایستیفاده ائدیلمهسینین اهمال ائدیلدیگینه دقت چکمیشدی.
صالحی، کرکوک والیلیگیندن بو قونودا لازیم اولان حساسیتین گؤستریلمهسینی ایستهمیشدی.
عراق آنایاساسینین ۴.جو مادهسینه گؤره عربجه و کوردجهنین یانیندا تورکجه و سوریانیجه ده اهالینین سیخ اولدوغو بؤلگهلرده رسمی دیل ساییلیر.
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک