قاراباغ‌دا ارمنی گوجلرین تسلیم اولماسییلا آنتی‌ترور عملیاتی سونا چاتدی
تخمیناً ۲۴ ساعات داوام ائد‌ن عملیات نتیجه‌سینده ارمنی بیرلشمه‌لرین سلاح بوراخماسی اوزرینه عملیاتینین دوردورولماسی قونوسوندا آنلاشمایا واریلدی
آذربایجان ساوونما باخانلیغی سؤزچوسو آلبای آنار ائیوازوو، قاراباغ‌داکی ارمنیستان سلاحلی گوجلرینین ۹۰دان چوخ مؤوضعینین آذربایجان اوردوسونون کنترلونا گئچدیگینی آچیقلادی.
ائیوازوو، تشکیل ائتدیگی مطبوعات توپلانتیسیندا، آذربایجان اوردوسونون، ارمنی گوجلرین تسلیم اولماسییلا بیته‌ن قاراباغ‌داکی آنتی‌ترور عملیاتییلا باغلی بیلگیلر پایلاشدی.
عملیات مدتینجه مهماتی توکه‌نه‌ن ارمنی گوجلرین مؤوضعلرینی بوراخاراق قاچدیغینی، قاچانلارا آذربایجان اوردوسون طرفیندن آتیش ائدیلمه‌دیگینی بیلدیره‌ن ائیوازوو، "۹۰دان چوخ مؤوضع آذربایجان اوردوسونون کنترلونا گئچدی، ۷ عسگری آراج، ۴ توپ، ۱ تانک، ۲ زره‌لی آراج آذربایجان عسگرلری طرفیندن اله گئچریلدی" ایفاده‌سینی ایشلتدی.
۴۴ گونلوک ۲.جی قاراباغ ساواشی (۲۰۲۰) سونراسی، آذربایجانین قاراباغ بؤلگه‌سینده‌کی سؤزده رژیمین آتدیغی آددیملار گرگینلیگین یوکسله‌مه‌سینه سبب اولدو.
سون اولاراق خوجاوند ائلی احمدبی‌لی-فضولی-شوشا قورو یولون‌دا آذربایجان دؤولت قورومونا عاید کامیونو مینه چیخدی و ۲ نفر حیاتینی ایتیردی.
حادثه یئرینه گئدن پلیس آراجینین باشقا بیر مینه چیخماسی نتیجه‌سینده ده ۴ پلیس شهید اولدو.
بونون اوزرینه آذربایجان ساوونما باخانلیغی، قاراباغ‌دا آنایاسال قورولوشو یئنیدن تاسیس ائتمک آماجی ایله یئرلی آنتی‌ترور تدبیرلری باشلادیلدیغینی بیلدیردی.
تخمیناً ۲۴ ساعات داوام ائد‌ن عملیات نتیجه‌سینده ارمنی بیرلشمه‌لرین سلاح بوراخماسی اوزرینه عملیاتینین دوردورولماسی قونوسوندا آنلاشمایا واریلدی.
ایلگیلی‌لی خبرلر
آذربایجان باشباخانی تورکیه‌ده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیله‌جک
