آذربایجان، آنتیترور عملیاتی باشلاتدی
"آذربایجان جمهوریتینین آنایاسال یاپیسینین یئنیدن تاسیس ائدیلمهسی آماجییلا آنتیترور عملیاتی باشلادیلمیشدیر"
آذربایجان ساوونا باخانلیغی، قاراباغدا آنایاسال قورولوشو یئنیدن قورماق آماجی ایله آنتیترور عملیاتی باشلادیلدیغینی بیلدیردی.
باخانلیقدان وئریلهن آچیقلامادا، آذربایجانین قاراباغ بؤلگهسیندهکی ارمنی سلاحلی گوجلرین، سون بیر نئچه آیدا آذربایجان اوردوسونون مؤوضعلرینه سیستماتیک شکیلده آتیش ائتمهسینین، اراضیلره مین دؤشهمهنی داوام ائتدیرمهسینین، استحکام و مؤوضع ایشلرینه گیریشیمهسینین گرگینلیگین آرتماسینا سبب اولدوغو ایفاده ائدیلدی.
ارمنی گوجلرینین مؤوضعلرینی پرسنل، زرهلی آراجلار، توپچو تجهیزاتلاری و دیگر واسطهلرله گوجلندیردیکلرینین، بیریملرینی یوکسک سویهده ساواشا حاضر حالا گتیردیکلرینین، تقویه بیریملر میدانا گتیردیکلرینین، آذربایجان اوردوسونا قارشی استخبارات فعالیتلرینی گئنیشلتدیکلرینین، مینلردن تمیزلنهن اراضیلره یئنیدن مین دؤشنیلمهسی کیمی ائیلملر گئرچکلشدیردیکلرینین معین ائدیلدیگی بیلدیریلدی.
آچیقلامادا، ارمنی گوجلرینین، خوجاوند ائلی احمدبیلی-فضولی-شوشا قورو یولونا دؤشهدیگی مینلرین پاتلاماسی نتیجهسینده وطنداشلارین و پلیس مأمورلارینین حیاتینی ایتیردیگی خاطیرلادیلدی.
ارمنی سلاحلی گوجلرینین، ۱۰ نوامبر ۲۰۲۰ده ایمضالانان اوچلو بیلدیرینین حؤکملرینین عکسینه آذربایجانین قاراباغ بؤلگهسینده وارلیغینی داوام ائتدیرمهسینین، بؤلگهسل باریش و ثابتلیگه جدی تهدید اولوشدوردوغو وورغولاناراق بونلار قید ائدیلدی:
"اوچلو بیلدیرینین حؤکملرینین تامین ائدیلمهسی، قاراباغ اقتصادی بؤلگهسینده گئرچکلشدیریلن بؤیوک مقیاسلی تخریباتلارین اؤنلهنمهسی، ارمنی سلاحلی گوجلرینین بیریملرینین سلاحسیزلاندیریلاراق تورپاقلاریمیزدان چیخاریلماسی، عسگری آلت یاپیلارینین ائتکیسیز حالا گتیریلمهسی، ایشغالدان قورتاریلان تورپاقلارا قاییدان وطنداشلارین گوونلیگینین تامین ائدیلمهسی و آذربایجان جمهوریتینین آنایاسال یاپیسینین یئنیدن تاسیس ائدیلمهسی آماجییلا آنتیترور عملیاتی باشلادیلمیشدیر".
بو چرچیوهده ارمنیستان سلاحلی گوجلرینین اؤن جبههده و جبههنین درینلیگیندهکی مؤوضعلری ایله اوزون سورهلی آتیش نقطهلرینین یانیندا ساواش واسطهلری و عسگری تاسیسلری یوکسک حساسیته صاحب سلاحلاردان ایستیفاده ائدیلهرک دؤوره دیشی بوراخیلماقدادیر. وطنداشلار و آلت یاپی تاسیسلری هدف آلینماماقدا، یالنیز مشروع عسگری هدفلر یوخ ائدیلمکدهدیر".
آچیقلامادا،
"روس باریش گوجو قوموتانلیغی و تورکیه-روسیا اورتاق گؤزلم مرکزی رهبرلیگینه آلینان تدبیرلر حاقیندا بیلگی وئریلمیشدیر" ایفادهسی ایشلهدیلدی.
ایلگیلیلی خبرلر
قازاخیستان-دا داشقینلاردان سونرا 54،7 مین نفر ائولرینه قاییدیب
بو بارهده فوق العاده حاللار ناظیرلیگینین مطبوعات خیدمتی معلومات یاییب.