پوتیندن قاراباغ آچیقلاماسی
"ارمنی رهبرلیگی چکیانین باشکندی پراگدا ایمضالادیغی سند ایله ۱۹۹۱ تاریخلی سرحدلری قبول ائتدیکلرینی آچیقلایاراق قاراباغین آذربایجانین بیر پارچاسی اولدوغونو تانیدی"
روسیا دؤولت باشی ولادیمیر پوتین، ارمنیستان رهبرلیگینین آذربایجانین قاراباغ اوزریندهکی اگمنلیگینی قبول ائتدیگینی ایفاده ائتدی.
ارمنیستانین آمریکا بیرلشمیش دؤولتلری ایله ائتدیگی عسگری مانور اوزرینه ولادیمیر پوتین، ارمنیستانین اوزون مدتدیر متفیقی اولان روسیا ایله باغلارینی قوپاردیغی یولونداکی ادعالاری یالانلادی.
پوتین آچیقلاماسیندا،
"ارمنی رهبرلیگی (اوکتبردا) چکیانین باشکندی پراگدا ایمضالادیغی سند ایله ۱۹۹۱ تاریخلی سرحدلری قبول ائتدیکلرینی آچیقلایاراق قاراباغین آذربایجانین بیر پارچاسی اولدوغونو تانیدی" دئدی.
پوتین،
"اگر ارمنیستان آذربایجانین قاراباغ اوزریندهکی اگمنلیگینی تانیمیش ایسه قاراباغین ایستاتوسونون دارتیشیلماسینین بیر معناسی یوخ. قاراباغین وضعیتی ایروانین اؤزو طرفیندن تعیین اولوندو" ایفادهلرینی ایشلتدی.
ارمنیستانلا هئچ بیر پروبلئملری اولمادیغینی وورغولایان روس لیدئر،
"ارمنیستان باشباخانی نیکول پاشینیانلا هئچ بیر پروبلئمیمیز یوخ، اونونلا داواملی تماس حالینداییق" دئدی.
ایروان، موسکوانی هم ارمنیستانا هم ده داغلیق قاراباغ بؤلگهسیندهکی ائتنیک ارمنی اهالییه قارشی تعهدلارینی یئرینه یئتیرمهمکله سوچلاییر.