قوزئی قیبریس تورک جمهوریتیندن آذربایجانا تشکر
"آذربایجان ایله آرامیزداکی کؤنول بیرلیگینین، دگرلرین و عینی میللتین قوپماز بیر پارچاسی اولاراق ایلیشکیمیزین گئده‌رک آرتماسی ان بؤیوک آرزوموزدور"
قوزئی قیبریس تورک جمهوریتی جمهورباشقانی ارسین تاتار، آذربایجان رئسپوبلیکا جمهورباشقانی ایلهام علییئوه، قوزئی قیبریس تورک جمهوریتی ایله باغلی آچیقلامالاری و دستگیندن اؤترو تشکر ائتدی.
تورک آژانسی قیبریسین (تاک) خبرینه گؤره، تاتار، علییئوه تشکر ائتدیگی یازیلی آچیقلاما یاییملادی.
تاتار، آچیقلاماسیندا، "بیر میللت، اوچ دؤولت اولقوسویلا دوغو آغ دنیز‌ده‌کی بیر تورک دؤولتی اولان قوزئی قیبریس تورک جمهوریتی، وارلیغینی بو آنلاییشلا داوام ائتدیررکه‌ن، آذربایجان ایله آرامیزداکی کؤنول بیرلیگینین، دگرلرین و عینی میللتین قوپماز بیر پارچاسی اولاراق ایلیشکیمیزین گئده‌رک آرتماسی ان بؤیوک آرزوموزدور" ایفاده‌لرینی ایشلتدی.
علییئوین، باکی‌دا تشکیل ائدیله‌ن تورک دؤولتلری تشکیلاتی ییغینجاغیندا و اؤلکه‌ده‌کی فعالیتلرده قوزئی قیبریس تورک جمهوریتی بایراغینین دالغالاناجاغینی دیله گتیرمه‌سیندن سئوینج دویدوغونو بیلدیرن تاتار، طرفلر آراسینداکی امکداشلیغین داوامینی دیله‌دی.
ایلگیلی‌لی خبرلر
آذربایجان جمهوریتیندن رئیسی اوچون باش‌ساغلیغی
آذربایجان جمهورباشقانی ایلهام علییئو، ایران دینی لیدئری علی حامنه‌اییه باش‌ساغلیغی مئساژی گؤندردی
