چنگیز آیتماتوو اولوسلارآراسی ایسیک گؤل فورومو
چنگیز آیتماتووون قوروجوسو اولدوغو اولوسلارآراسی ایسیک گؤل فورومونون ۵.جی‌سی تورکیه و آذربایجان‌دا توپلاناجاق
دونیا مقیاسیندا مشهور قیرقیزیستانلی یازار چنگیز آیتماتووون قوروجوسو اولدوغو اولوسلارآراسی ایسیک گؤل فورومونون ۵.جی‌سی تورکیه و آذربایجان‌دا توپلاناجاق.
فوروم هیئتیندن وئریله‌ن یازیلی آچیقلامادا، مدنیت و توریزم باخانلیغی حمایه‌سینده "دوغو ایله باتی آراسیندا آنادولو مدنیت پروژه‌لری" چرچیوه‌سین‌ده تشکیل ائدیله‌جک فورومون، قیرقیزیستان جمهورباشقانلیغی، تورکیه جمهوریتی مدنیت و توریزم باخانلیغی ایله باغلی قوروملاری و یورددیشی نماینده‌لیکلری، آنکارا سوسیال بیلیملر اونیوئرسیته‌سی، چنگیز آیتماتوو اولوسلارآراسی ایسیک گؤل درنگی و قیرقیزیستانین آنکارا ائلچیلیگی امکداشلیغی ایله گئرچکلشدیریلدیگی ایفاده ائدیلدی.
آچیقلامادا، میللی تحصیل باخانلیغی، چئوره، شهرچیلیک و ایقلیم دییشیکلیگی باخانلیغی و تورکسوی طرفیندن ده دستکله‌نیلدیگی ایفاده ائدیله‌ن ۵.جی چینگیز آیتماتوو اولوسلارآراسی ایسیک گؤل فورومون‌دا "تورک دونیاسیندا اورتاق دگرلر اوزریندن میللی تحصیل، بؤلگه‌سل اقتصادی و مدنیت امکداشلیغی ایله توریزم و چئوره پروبلئملرینه حل آختاریشلاری، قلوبال سیستمده گله‌جک تصوورو" قونولاری اله آلیناجاق.
آچیلیش پروگرامینین ۱۲ دسامبردا آنکارادا، اوتوروملارینین دا ۸-۹ ژوئن ۲۰۲۴ده باکی‌دا ائدیله‌جگی ایفاده ائدیله‌ن فورومون، تورک دؤولتلری، یورددیشی قوهوم توپلولوقلاری و بؤلگه اؤلکه‌لرینین ایشتیراکییلا ایکی اؤلکه‌ده ده چوخ اولوسلو و چوخ اوتوروملو اولاراق ایجرا ائدیله‌جگی قید ائدیلدی.
