ارسین تاتار: "بمت باریش گوجونون اورتایا قویدوغو موضع قبول ائدیلمزدیر"
قوزیی قیبریس تورک جمهوریتی پرزیدنتی ارسین تاتار پیله-ییغیتلر یولو لاییحهسینین اینسانی لاییحه اولدوغونو و ضرورتدن یاراندیغینی بیلدیریب.
قوزیی قیبریس تورک جمهوریتی پرزیدنتی ارسین تاتار پیله-ییغیتلر یولو لاییحهسینین اینسانی لاییحه اولدوغونو و ضرورتدن یاراندیغینی بیلدیریب.
ارسین تاتار موختلیف گؤروشلر کئچیرمک اوچون قیبریس-دا اولان بیرلشمیش میللتلر تشکیلاتی (بمت) باش کاتیبینین آوروپا، اورتا آسیا و امریکا اوزره معاوینی میروسلاو جنچانی پایتاخت لفکوشاداکی پرزیدنت ایقامتگاهیندا قبول ائدیب.
گؤروشدن سونرا تشکیل ائدیلن مطبوعات کنفرانسیندا پرزیدنت تاتار میروسلاو جنچانین سفرینین پیله-ییغیتلر یولو لاییحهسیندن سونرا بمت و قوزیی قیبریس تورک جمهوریتی آراسیندا بحران دؤورونه تصادف ائتدیگینی خاطیرلاداراق، میروسلاو جنچایا پیله-ییغیتلر یولو لاییحهسینین اینسانی بیر لاییحه اولدوغونو و ضرورتدن یاراندیغینی، پیله ساکینلرینین ده بو ایستیقامتده طلبلرینین اولدوغونو چاتدیریب.
قیبریس-دا ایکی طرفی بیر-بیریندن آییران بمت-نین نظارتینده اولان یاشیل خط اوزرینده روملارین گؤستردیگی فعالیتلرله باغلی میروسلاو جنچایا معلومات وئردیکلرینی قئید ائدن تاتار دئییب:
"گونئی قیبریس-ین آیا ناپا ایله لارناکا یولو باشدا اولماقلا آرا بولگهیه چکدیگی یوللار، اونیورسیته بیناسی، باشقا بیر بؤلگهده آلیش وئریش مرکزی ( AVM) تیکینتیسی و 12 کیلومتر اوزونلوقداکی مفتیل ایله بمت-نین موداخیله ائتمهمهسینی، سون الده ائتدیگیمیز معلوماتا گؤره آرا بولگهیه یاخین یئرلرده 300 حربی قوللوقچونون یئرلشدیریلدیگینی، بمت-نین خوش مراملی میسیونو چرچیوهسینده هر ایکی طرفه عینی و برابر مسافهده یاخینلاشماق میسیونونا باخمایاراق پیله یولونون باشلاماسی زامانی بمت باریش گوجونون موضعینین قبول ائدیلمز اولدوغونو میروسلاو جنچایا چاتدیردیم.
بمت تهلوکهسیزلیک شوراسینین پیله یولو ایله باغلی سون آچیقلاماسی یانلیش بیلگی لندیرمهنین نتیجهسیدیر. گؤروش زامانی تهلوکهسیزلیک شوراسینا دوزگون معلومات وئرمک سیزین بورجونوزدور دئیه بیلدیردیم.
میروسلاو جنچا دا ارسین تاتارا بمت-نین باش کاتیبینین قیبریس مسئله سینده داوام ائدن ماراغینی چاتدیردیغینی قئید ائدهرک، "اومید ائدیریک کی، گلهجکده بوتون خالقین خیرینه اولان باریش دانیشیقلارینین یئنیدن باشلانماسی اوچون اورتاق زمین یاراناجاق. داها یاخشیسینی اومید ائدیریک" دئییب.
قئید ائدک کی، قیبریسداکی گؤروشلرینه روم ایدارهسی طرفینده باشلایان میروسلاو جنچا قیبریس روم رهبرلیگینین لیدری نیکوس کریستودولیدیس ایله گؤروشوب.
ایلگیلیلی خبرلر
آذربایجان جمهوریتیندن رئیسی اوچون باشساغلیغی
آذربایجان جمهورباشقانی ایلهام علییئو، ایران دینی لیدئری علی حامنهاییه باشساغلیغی مئساژی گؤندردی