اؤزبکیستانا توریست آخینی
ژانویه-جولای ۲۰۲۳ده یورددیشیندان اؤزبکیستانا ۳ میلیون ۶۸۰ مین توریست گلدی
اؤزبکیستانا، ایلین ایلک ۷ آییندا ۳ میلیون ۶۸۰ مین توریست سفر ائتدی.
اؤزبکیستان دؤولت استاتیستیک آژانسیندان وئریله‌ن آچیقلامایا گؤره، ژانویه-جولای ۲۰۲۳ده یورددیشیندان اؤلکه‌یه ۳ میلیون ۶۸۰ مین توریست گلدی.
اؤلکه‌یه ان چوخ ۱ میلیون ۱۵۱ مین ۴۰۰ نفرله تاجیکیستان‌لی توریستلر گلدی.
تاجیکیستانی ۹۱۲ مین ۸۰۰ نفرله قیرقیزیستان، ۸۷۹ مین نفرله قازاقیستان، ۴۱۷ مین ۴۰۰ نفرله روسیا، ۵۸ مین نفرله تورکیه، ۲۰ مین ۲۰۰ نفرله گونئی کره، ۲۰ مین نفرله هیندیستان، ۱۷ مین ۷۰۰ نفرله چین و ۱۴ مین ۱۰۰ نفزله آلمانیا ایزله‌دی.
یئنی تیپ کوروناویروس (کووید-۱۹) سالقینیندان اؤنجه ۲۰۱۹دا ۶ میلیون ۷۴۸ مین توریستین گئتدیگی اؤزبکیستانا بو ایل گئده‌جک توریست ساییسینین پاند‌میدن اؤنجه‌کی رقملره چاتماسی هدفلنیر.
۲۰۲۰ده اؤلکه‌یه گئدن توریست ساییسی کووید-۱۹ سالقینی سببیله تخمیناً ۱ میلیون ۵۰۰ مین اولموشدو.
۲۰۲۱ده اؤزبکیستانا ۱ میلیون ۸۰۰ مین توریست گئتمیش، ۲۰۲۲ده اؤلکه‌یه گئدن توریستلرین ساییسی اؤنجه‌کی ایل ایله مقایسه‌ده ۲،۸ قات آرتیشلا ۵ میلیون ۲۰۰ مینه چاتمیشدی.
