پرزیدنت ارسین تاتار متین گورآکی قبول ائدیب
قوزیی قیبریس تورک جمهوریتی پرزیدنتی ارسین تاتار باش قرارگاه رئیسی متین گورآکی قبول ائدیب.
قوزیی قیبریس تورک جمهوریتی پرزیدنتی ارسین تاتار باش قرارگاه رئیسی متین گورآکی قبول ائدیب.
قوزیی قیبریس تورک جمهوریتی پرزیدنتی پرزیدنتلیگیندن وئریلن آچیقلامایا گؤره، تاتار گورآک‌ین باش قرارگاه رئیسی اولدوقدان سونرا اؤلکه‌یه ایلک سفری‌نین اهمیتینه و سفرین 30 آوقوست ظفر بایرامی عرفه سینده رئاللاشدیغینا دقت چکیب.
ارسین تاتار تورک سلاحلی قوه‌لری‌نین قیبریس-داکی اینگیلیس حاکمیتی دؤورونده قیبریس تورک‌لری‌نین حربی تعلیمی و تورک مقاومت تشکیلاتی‌نین تشکیلی اوزرینده چالیشدیغینی و مقاومت گؤستره‌رک قیبریس تورک‌لری‌نین وارلیغینا بؤیوک تحفه‌لر وئردیغینی بیلدیریب.
تورکیه-نین 1964-جو ایلده ارنکؤی مقاومتی زامانی ایلک دفعه قیبریس-دا ضامن حقوقون‌دان ایستیفاده ائتدیگینی خاطیرلا‌دان تاتار، 1974-جو ایلده باش وئرن قیبریس باریش عملیاتی‌نین پروسه‌سده دؤنوش نقطه‌سی اولدوغونو قئید ائدیب.
بیرلشمیش میللت‌لر تشکیلاتی‌نین قوزیی قیبریس تورک جمهوریتی‌نین حیاتا کئچیرمک ایستدیگی پیله-ییغیتلر یولو ایله باغلی رئاکسیاسینا توخونان پرزیدنت تاتار "پیلوت جنگیز توپل اؤلدورولنده، کندلرده تورک‌لری اؤلدوردوک‌لری قیرغین‌لار تؤره‌دیلنده بیرلشمیش میللت‌لر هارادا ایدی؟" دئیه سوروشوب
پیله-ده وطنداش‌لارین شیکایت‌لرینی آرا‌دان قال‌دیرماق و اینسانی مقصدله یول‌لار چکمک ایستدیک‌لرینی بیلدیرن تاتار روم‌لارین پیله-ده یول‌لار، بینا‌لار، اونیورسیته لر اینشا ائتدیک‌لرینی، لاکین تورک‌لر یول چکمک ایسته‌ینده رئاکسیا وئردیک‌لرینی و ایکی‌لی ایستاندارت اولدوغونو وورغولاییب. پرزیدنت تاتار بیلدیریب کی، قارشی طرفین مقصدی پیله-ده‌کی تورک اها‌لی‌سینی آزالتماق و قاریشیق کندی تامامیله روم کندینه چئویرمک‌دیر.
دوغو آغ دنیزینده تورک دؤولتی اولان قوزیی قیبریس تورک جمهوریتی-نین نفت، طبیعی گاز و دیگر تهلوکه‌سیزلیک مسئله‌لری ایله ماوی وطن‌ده‌کی ایستاتوسونو آرتیردیغینی ایفاده ائدن تاتار قیبریس-دا بیر راضیلاشما اولارسا، قوزیی قیبریس تورک جمهوریتی-نین ده بیر پارچاسی اولاجاغینی وورغولاییب. تاتار قیبریس ایله باغلی یئنی سیاستی تعیین ائدرکن هر زامان پرزیدنت رجب طیب اردوغانلا مصلحتلشدیک‌لرینی بیلدیریب.
تاتار قیبریس تورک‌لری‌نین آرخاسیندا تورکیه و تورک دونیاسی‌نین اولدوغونو، تورک دؤولت‌لری تشکیلاتینا موشاهیدچی عضو اولدوقدان سونرا قوزیی قیبریس تورک جمهوریتی-نین ایستاتوسونون آرتدیغینی قئید ائدیب.
قبولدا چیخیش ائدن باش قرارگاه رئیسی متین گورآک "قیبریس تورکیه اوچون میللی مسئله‌دیر" دئیه وورغولایا‌راق، هر زامان قیبریس تورک‌لری‌نین یانیندا اولدوق‌لارینی، بون‌دان سونرا دا قیبریس تورک خالقی‌نین یانیندا اولا‌جاق‌لارینی و حاق ایشینه دستک وئره‌جک‌لرینی دیله گتیریب.
گوراک قئید ائدیب کی، پیله-ده صرف اینسانی احتیاج‌لار اوچون باش‌لانان یول تیکینتی ایشلرینه قارشی بمت باریش گوجونون طرف‌سیزلیک پرینسیپینه قارشی موضعی قبول ائدیلمزدیر.
ایلگیلی‌لی خبرلر
آذربایجان جمهوریتیندن رئیسی اوچون باش‌ساغلیغی
آذربایجان جمهورباشقانی ایلهام علییئو، ایران دینی لیدئری علی حامنه‌اییه باش‌ساغلیغی مئساژی گؤندردی
