تاتار: یول پروژهسی تاماملاناجاق
"روملارین آماجی، پیلهنین تامامیله بیر روم کندی اولماسی. مقصدلری پیلهدهکی تورکلره حیاتی چتینلشدیرهرک اونلاری لئفکوشایا غازیماغوسایا کؤچ ائتدیرمک. پیلهنی تورکلردن تمیزلهمک"
قوزئی قیبریس تورک جمهوریتی جمهورباشقانی ارسین تاتار، روملارین پیلهنین تامامیله بیر روم کندی اولماسی آماجیندا اولدوقلارینی ایفاده ائدرک، بونا ایجازه وئرمهیهجکلرینی سؤیلهدی.
تاتار، قوزئی قیبریس تورک جمهوریتی طرفیندن بیرلشمیش میللتلر کنترلونداکی یاشیل خط اوزرینده اولان قاریشیق کند پیلهیه ایستیقامتلی باشلادیلان یول چکمه ایشلرینده چیخان گرگینلیگی دگرلندیردی.
بیرلشمیش میللتلرین، روملارین تأثیرینده قالاراق سرگیلهدیگی توتومون کدر وئریجی اولدوغونو ایضاح ائدن تاتار،
"روملارین آماجی، پیلهنین تامامیله بیر روم کندی اولماسی. مقصدلری پیلهدهکی تورکلره حیاتی چتینلشدیرهرک اونلاری لئفکوشایا غازیماغوسایا کؤچ ائتدیرمک. پیلهنی تورکلردن تمیزلهمک" شکلینده دانیشدی.
پیلهدن قوزئی قیبریس تورک جمهوریتینه گئتمک ایستهیهن عاجیل خستهلرین بئله گؤمروک قاپیسیندا زامان ایتیردیکلرینی و بو سببله پیله-ایگیدلر یولو پروژهسینین اویقولامایا گئچیریلدیگینی دئین تاتار،
"بو یولون تیکیمی، اؤز وطنداشلاریمیزا خیدمت آپارابیلمک اوچون ۲۵ ایل دیپلوماتیک یوللاردان موباریزه وئردیک. بیرلشمیش میللتلر ۲۵ ایلدیر بیزی مشغول ائدیر" دئیه دانیشدی.
بیرلشمیش میللتلر باریش گوجو عسگرلری ایله قوزئی قیبریس تورک جمهوریتی پلیسی آراسیندا ۱۸ آگوستدا چیخان حادثهلری هئچ آرزو ائتمهدیکلرینی آنجاق بیرلشمیش میللتلر عسگرلرینین بؤلگهده قوزئی قیبریس تورک جمهوریتی تورپاغی اولان ساحهنی یاشیل خطه داخیل کیمی گؤسترمهیه چالیشدیغینی ایضاح ائدن تاتار،
"(بیرلشمیش میللتلر باریش گوجو عسگرلرینین) قوزئی قیبریس تورک جمهوریتینین تورپاغینی یاشیل خطین ایچینده گؤسترمهلرینه ایجازه وئرهبیلمریک" ایفادهلرینی ایشلتدی.
ایگیدلردن پیللهیه یول چکیمینی سونوندا تاماملایاجاقلارینا دقت چکن قوزئی قیبریس تورک جمهوریتی جمهورباشقانی، پروبلئمین دیپلوماتیک یوللاردان حل ائدیلمهسینی آرزو ائتدیکلرینی سؤزلرینه علاوه ائتدی.
ایلگیلیلی خبرلر
آذربایجان جمهوریتیندن رئیسی اوچون باشساغلیغی
آذربایجان جمهورباشقانی ایلهام علییئو، ایران دینی لیدئری علی حامنهاییه باشساغلیغی مئساژی گؤندردی