قازاقیستاندا ایکی تورکیه وطنداشینا دؤولت مدالی وئریلدی
آلماتی شهرینده بیر آپارتماندا چیخان یانغیندا قالان آنا و ۳ اوشاغینی قورتاران ۲ تورکیه تورکونه، گؤستردیکلری جسارتدن اؤترو دؤولت مداللاری تقدیم ائدیلدی
قازاقیستانین آلماتی شهرینده چوخ قاتلی بیر آپارتماندا چیخان یانغیندا قالان آنا و ۳ اوشاغینی قورتاران ۲ تورکیه تورکونه، گؤستردیکلری جسارتدن اؤترو جمهورباشقانی قاسیم جؤمرت توکایئوین فرمانییلا وئریلهن دؤولت مداللاری تقدیم ائدیلدی.
آلماتی والیلیگینده تشکیل ائدیلهن اؤدول مراسیمینده والی یئربولات دوسایئو، شهرده ۱۶ قاتلی بیر آپارتماندا ۱ آگوستدا چیخان یانغیندا اینسانلارین حیاتینی قورتارماق اوچون گؤستردیکلری جسارتدن اؤتری شوکرو گونآی ایله خلیل یئردلنه دؤولت مداللارینی تقدیم ائتدی.
قازاقیستان جمهورباشقانلیغی، جمهورباشقانی توکایئوین، سؤزو گئدن یانغیندا اینسانلاری قورتارماق اوچون گؤستردیکلری جسارت و باغلیلیقدان اؤترو ۲سی تورکیه وطنداشی اولماق اوزره، ۶ نفرین دؤولت مدالییلا اؤدوللندیریلمهسینه باغلی فرمانی ایمضالادیغینی بیلدیرمیشدی.
دؤولت مدالینا لایق گؤرولهنلر آراسیندا یانغین سیراسیندا قالدیراجین کندیرینه دیرماشاراق ان اوست قاتدا قالان بیر آنانی ۳ اوشاغییلا قورتاران تورکیه وطنداشلاری گونآی ایله یانغیندا قالانلارین کؤمگینه گئدن قالدیراج سوروجوسو یئردلهن ده واردی.
ایلگیلیلی خبرلر
قازاخیستان-دا داشقینلاردان سونرا 54،7 مین نفر ائولرینه قاییدیب
بو بارهده فوق العاده حاللار ناظیرلیگینین مطبوعات خیدمتی معلومات یاییب.