اورمو گؤلو تام قوروما تهلوکهسی آلتیندا
اؤلکهده زامان زامان گؤلون یئنیدن جانلاندیریلماسی طلبی ایله گؤستریلر تشکیل ائدیلیر
ایران جمهورباشقانی کؤمکچیسی و چئوره قوروما قورومو باشقانی علی سلاجقه، قوراقلیق سببی ایله سو سویهسینین دوشدوگو اورمیه گؤلونون وضعیتینین یاخشی اولمادیغینی، پروبلئمین اولوسلارآراسی اؤزللیکده اولدوغونو ایفاده ائتدی.
ایرانلی ایشچیلر خبر آژانسی ایلنایا گؤره، سلاجقه، اورمیه گؤلو میللی پارکی دگرلندیرمه ییغینجاغیندا دانیشدی.
سلاجقه، "تأسف کی، اورمیه گؤلونون وضعیتی یاخشی دئییل. بو گؤلون پروبلئمی اولوسلارآراسی بیر قونودور" دئدی.
پاییز یاغیشلارییلا گؤلون داها یاخشی بیر سویهیه گلمهسینی گؤزلهدیکلرینی سؤیلهیهن سلاجقه، "اورمیه گؤلونون طبیعی سورهجلری، اینسان موداخیلهسی سببی ایله پروبلئملی حالا گلدی" ایفادهلرینی ایشلتدی.
سلاجقه، گؤلدهکی وحش حیاتینین قورونماسی اوچون ده چابا گؤستریلمهسی لازیم اولدوغونو قید ائتدی.
قوراقلیق سببی ایله ۲۰۰۳ده سو سویهسینین آزالمایا باشلادیغی اورمو گؤلو، ۲۰۱۳ده تامامیله قوروما تهلوکهسی ایله قارشی قارشییا قالمیشدی. گؤلون بو آن یوزده ۹۵ینین قورودوغو ایفاده ائدیلیر.
دونیانین ان بؤیوک دوز گؤللریندن بیری اولان اورمو گؤلونون قوروماسی، دولانیشیغینی اکینچیلیک و حیوانچیلیقلا تامین ائدن اطرافدا یاشایان خالقین حیاتینا دا منفی تأثیر ائدیر.
اؤلکهده زامان زامان گؤلون یئنیدن جانلاندیریلماسی طلبی ایله گؤستریلر تشکیل ائدیلیر.
اورمو گؤلو، ۱۹۷۶دا یونسکو دونیا بیوسفر رزرولری شبکهسینه آلینمیشدی.
ایلگیلیلی خبرلر
آذربایجان جمهوریتیندن رئیسی اوچون باشساغلیغی
آذربایجان جمهورباشقانی ایلهام علییئو، ایران دینی لیدئری علی حامنهاییه باشساغلیغی مئساژی گؤندردی