تورکلره عاید ۹ اوخول قاپادیلدی
"تحصیل آلانیندا آلینان بو و بنزر چاغ دیشی قرارلاری شدتله قیناییریق"
باتی تراکیالی تورکلر، یونانیستان تحصیل باخانلیغینین بؤلگه‌ده اؤیرنجی ساییسینین یئترسیز اولماسینی سبب گؤستره‌رک ۹ آزلیق اوخولونون داها باغلانیلماسی قرارینا تپکی وئردی.
باتی تراکیا تورک آزلیغی مصلحت قورولون‌دان وئریله‌ن یازیلی آچیقلامادا، ۹ آزلیق اوخولونو داها باغلاما قراری آلان یونانیستان تحصیل باخانلیغی قیناندی.
آچیقلامادا "تحصیل آلانیندا آلینان بو و بنزر چاغ دیشی قرارلاری شدتله قیناییریق" ایفاده‌لری ایشله‌دیلدی.
آزلیق تحصیلینین ایستاتوسونون لوزان آندلاشماسی باش‌دا اولماق اوزره اولوسلارآراسی آنلاشمالارلا تعیین اولوندوغو وورغولانان آچیقلامادا، آزلیق حاقلاری قونوسون‌دا یاخشیلاشدیرما یئرینه گئریله‌مه یاشاندیغی ایفاده ائدیلدی.
آچیقلامادا، یونانیستانین، اولوسلارآراسی حقوق و آندلاشمالاری یالنیز آزلیق علیه‌ینه یوروملادیغینی وورغولاندی.
دوستلوق برابرلیک باریش پارتیسی ده وئردیگی آچیقلامادا، "عمومی سئچیملر سیراسیندا باتی تراکیا مسلمان تورک آزلیغینا قارشی تهدید ایچریکلی ایفاده‌لرین و داورانیشلارین آردین‌دان بئله بیر قرار ایله قارشی قارشییا قالماق آزلیغی بیر دفعه داها اومودسوزلوغا اوغراتماقدادیر" دئییلدی.
گومولجینه تورک گنجلر بیرلیگین‌دن وئریله‌ن آچیقلامادا ایسه حکومتین آزلیق مسئوللارینین طلبلرینی دقته آلمادان آلدیغی قرارلارین "قبول ائدیلمز" اولدوغو وورغولاندی.
قرارلا، ۲۰۱۱دن بو یانا اؤیرنجی یئترسیرلیگی سببی ایله سیستماتیک اولاراق باغلانیلان تورک آزلیق ابتدای اوخولو ساییسی داواملی یوکسلرکن، باتی تراکیادا فعالیتلرینه داوام ائد‌ن آزلیق اوخولو ساییسی دا ۹۰ اولدو.
۱۹۹۵-جی ایلده باتی تراکیادا ۲۳۱ آزلیق اوخولو فعالیت گؤستریردی.
ایلگیلی‌لی خبرلر
آذربایجان باشباخانی تورکیه‌ده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیله‌جک
