"یئددی خالقین دیلینی بیل، یئددی آتانین دیلینی بیل"

قیرقیزیستان‌داکی تالاس دؤولت اونیوئرسیته‌سینده (تالدو)، تورک امکداشلیق و کوردیناسیون آژانسی باشقانلیغینین (تیکا) دستگی ایله، تورکجه صینیفی آچیلدی.
تیکا دستگی ایله قورولان صینیفین آچیلیشی سببی ایله تؤره‌ن تشکیل ائدیلدی.
تؤره‌نده یئر آلان تالاس والی کؤمکچی‌سی میرا سیدی‌کریمووا، تورکجه صینیفینین تالاس دؤولت اونیوئرسیته‌سین‌ده آچیلماسین‌دان دویدوغو سئوینجی دیله گتیردی و قیرقیزلارین "یئددی خالقین دیلینی بیل، یئددی آتانین دیلینی بیل" آتالار سؤزونو خاطیرلاداراق دیل اؤیره‌نمه‌نین اؤنمینی وورغولادی.
تورکجه صینیفینین اؤیرنجلره بؤیوک قاتقی تامین ائدجگی اینانجینی دیله گتیره‌ن سیدی‌کریمووا، ایکی اؤلکه آراسین‌داکی دوستلوق ایلیشکیلرینین آرتماسینی و بئله اؤیرتیم مرکزلرینین داها چوخ آچیلماسینی ایسته‌دیکلرینی ایفاده ائتدی.
تورکیه‌نین بیشکئک ائلچیسی احمد صادق دوغان دا، تورکجه و قیرقیزجانین بیر بیرینه بنزر اولدوغونو ایفاده ائد‌رک، قیرقیزیستان‌دا تورکیه تورکجه‌سینی اؤیره‌نه‌رک سرتیفیکیت آلان اؤیرنجیلرین علاوه دیل تحصیلینه احتیاج دویمادان تورکیه‌ده‌کی اونیوئرسیته‌لرده لیسانس، یوکسک لیسانس و یا دکترا سویه‌سینده تحصیل آلابیله‌جکلرینی سؤیله‌دی.