آذربایجان-ارمنیستان باریش آنلاشماسیندا ایرلیلهمه
"باریش و دؤولتلرآراسی ایلیشکیلرین قورولماسینا باغلی ایکیلی آنلاشما لایحهسینین بعضی مادهلرینده توافق ائدیلدی"
آذربایجان، ارمنیستانلا "باریش و دؤولتلرآراسی ایلیشکیلرین قورولماسینا باغلی ایکیلی آنلاشما" لایحهسینین بعضی مادهلرینده توافق ائدیلدیگینی و ایرلیلهمه قید ائدیلدیگینی بیلدیردی.
آذربایجان خاریجی ایشلر باخانلیغی، آمریکا بیرلشمیش دؤولتلری خاریجی ایشلر باخانی آنتونی بلینکنین ائو صاحیبلیگینده آذربایجان خاریجی ایشلر باخانی جئیحون بایراموو ایله ارمنیستان خاریجی ایشلر باخانی آرارات میرزویان باشقانلیغینداکی ایکی اؤلکه هیئتلرینین ۲۷-۲۹ ژوئنده آمریکادا ائتدیگی گؤروشمهلره باغلی یازیلی آچیقلاما وئردی.
آچیقلامادا، "باخانلار و برابرلریندهکی هیئت عضولری، 'باریش و دؤولتلرآراسی ایلیشکیلرین قورولماسینا باغلی ایکیلی آنلاشما' لایحهسی اوزریندهکی موذاکیرهلرده علاوه ایرلیلهمه تامین ائتدی. لایحه شکلیندهکی آنلاشمانین علاوه مادهلری اوزرینده آنلاشمایا واریلدی و لایحه متنده قارشیلیقلی آنلاییشا دوغرو آددیم آتیلدی. عینی زاماندا، بعضی کیلید قونولاردا علاوه ایشلره داوام ائدیلمهسی لازیم اولدوغو قید ائدیلدی" ایفادهلری یئر آلدی.
بایراموو و میرزویان، ۱-۴ مارسدا دا یئنه بلینکنین ائو صاحیبلیینده آمریکادا بیر آرایا گلمیش، آنلاشما متنینین بعضی مادهلرینده آنلاشمایا وارمیشدی.
ایلگیلیلی خبرلر
آذربایجان جمهوریتیندن رئیسی اوچون باشساغلیغی
آذربایجان جمهورباشقانی ایلهام علییئو، ایران دینی لیدئری علی حامنهاییه باشساغلیغی مئساژی گؤندردی