قازاخیستان-دا مئشه یانغین لاری داوام ائدیر
قازاخیستانین دوغوسونداکی آبای ویلایتینده ژوئنین 8-ده باش وئرمیش مئشه یانغینی سؤندورولور.
قازاخیستانین دوغوسونداکی آبای ویلایتینده ژوئنین 8-ده باش وئرمیش مئشه یانغینی سؤندورولور.
قازاخیستان فوق العاده حاللار ناظیرلیگینین وئردیگی معلوماتا گؤره، بؤلگهده یانغینلا موباریزه گئجه-گوندوز سرعتینی آزالتمادان داوام ائدیر. یانغینا 1800-دن چوخ آدام، 350 آراج و 14 هلیکوپتر جلب اولونوب.
گئجه ساعات لاریندان سمی شهری ایستیقامتیندهکی یاشاییش منطقهلرینه دوغرو ایرهلیلهین یانغینین قارشیسی عاجیل طبی یاردیم نتیجهسینده آلینیب. یانغینلا علاقهدار بوشالدیلان کندلرین تهلوکهسیزلیگینی تامین ائتمک اوچون بولگهیه 100 نفرلیک ژاندارما قروپو گؤندریلیب.
آبای ویلایتینین ایجرا حاکمی نورلان اورانخایئو بیلدیریب: "یانغیندا 43 مین هکتار اراضی یانیب. عمومی اراضی 60 مین هکتاردان چوخدور. آرتیق یانغینین یاشاییش منطقهلرینه کئچمه ریسکی یوخدور. یانغین سؤندورمه ایشلری ایکی ایستیقامتده داوام ائدیر. یانغین باش وئرن اراضیدهکی کندلر بوشالدیلیب، وطنداشلار موقتی تخلیه منطقهلرینه یئرلشدیریلیب. توستودن ضرر چکن ایکی مئشه ایشچیسینین وضعیتی حال-حاضیردا یاخشیدیر، دیگری اوچون آختاریش-قورتارما ایشلری گئدیر. دونن اونون تراکتورو یانغین یئریندن تاپیلیب. مئشه یانغینیندا حیاتینی ایتیرن 14 مئشه ایشچیسینین عائلهلرینه لازیمی دستک و کؤمکلیک گؤستریلیب".
یانغیندان سونرا قازاخیستانین مئشه اراضیلرینه گیرمک قاداغان اولونوب.
خاطیرلاداق کی، ژوئنین 8-ده قازاخیستانین دوغوسونداکی آبای ویلایتینین سمئی مئشهسینده یانغین باش وئریب. ایلکین موداخیله ائدن 14 مئشه ایشچیسی حیاتینی ایتیریب. ژوئنین 12-ده وظیفه بورجونو یئرینه یئتیررکن هلاک اولان 14 مئشه ایشچیسی اوچون "اولوسال یاس گونو" اعلان ائدیلیب.
ایلگیلیلی خبرلر
آذربایجان جمهوریتیندن رئیسی اوچون باشساغلیغی
آذربایجان جمهورباشقانی ایلهام علییئو، ایران دینی لیدئری علی حامنهاییه باشساغلیغی مئساژی گؤندردی