ماناس دستانی اینسانلیغین اورتاق میراثی اعلان ائدیلدی
دستانین یونسکو دونیا میراثی لیستینه آلیندیغی ۴ دسامبر تاریخی، هر ایل ماناس دستانی گونو اولاراق قوتلانیر
بیرلشمیش میللتلر تحصیل، بیلیم و مدنیت تشکیلاتی (یونسکو)، قیرقیز تورکلرینین میللی ماناس دستانینین ایلک ال یازماسینی اینسانلیغین اورتاق میراثی اعلان ائتدی.
قیرقیزیستان جمهورباشقانی سادیر جاپاروو، رسمی سفر چرچیوه‌سینده اؤلکه‌ده اولان یونسکو باش مودورو آودری آزولایی آغیرلادی.
آزولای، جمهورباشقانی جاپارووا، ماناسچی ساغین‌بای اوروزباکووون آغیزین‌دان یازیلان ال یازماسینین ملموس اولمایان میراث لیستینه داخیل ائدیلمه‌سینه باغلی سرتیفیکیتی تقدیم ائتدی.
۱۰۰۰ ایلدیر آغیزدان آغیزا گزه‌ن، قیرغیز خالقینین ایدئولوژیسی و آنسیکلوپدیسی اؤزللیگینده‌کی ماناس داستانی، ۱۸۶۷ده قیرغیزیستانین ایسیک گؤل بؤلگه‌سین‌ده دونیایا گلن ساغین‌بای اوروزباکووون آغیزین‌دان ۱۸۰ مین ۳۷۸ سطرین توپلانماسییلا ایلک دفعه یازیلمیشدی.
اؤلکه‌ده ماناس متنینی یازدیران ایلک ماناسچی اولاراق تاریخه گئچه‌ن ساغین‌بای اوروزباکووون آغیزین‌دان قلمه آلینان متنین ثبت ائدیلمه‌سی ۱۹۲۲ده باشلاییب ۱۹۲۶دا تاماملانمیشدی.
ماناس دستانی خالقین گله‌نک، گؤره‌نک، تؤره، اینانیش گؤروش، اقتدار ساواشلاری، کلانلارلا و باشقا میللتلرله ایلیشکیلری، ناغیللاری و اخلاق آنلاییشلارینی ایضاح ائدیر.
دستانین یونسکو دونیا میراثی لیستینه آلیندیغی ۴ دسامبر تاریخی، هر ایل ماناس دستانی گونو اولاراق قوتلانیر.
ایلگیلی‌لی خبرلر
آذربایجان جمهوریتیندن رئیسی اوچون باش‌ساغلیغی
آذربایجان جمهورباشقانی ایلهام علییئو، ایران دینی لیدئری علی حامنه‌اییه باش‌ساغلیغی مئساژی گؤندردی
