قیرقیزیستان‌دا چئوریلیش حاضیرلیغیندا اولان شخصلر گؤزآلتینا آلیندی

قیرقیزیستان‌دا، چئوریلیش حاضیرلیغین‌دا اولدوقلاری اؤنه سورولن بعضی شخصلر گؤزآلتینا آلیندی.
میللی گوونلیک دؤولت کمیته‌سی بو قونویا باغلی آچیقلاماسیندا، اؤلکه‌ده کوتلوی اعتراضلار و گئنیش عصیانلار چیخارماق و اقتداری گوجله اله گئچرمک اوچون گیزلی حاضرلیقلار آپاران بیر قروپون یاسادیشی فعالیتلرینین معین ائدیلدیگی و اؤنلندیگی ایفاده ائدیلدی.
الده ائدیله‌ن بیلگیلر و توپلانان سس و گؤرونتولر اوزرینه  یارغیلامالار باشلادیلدیغی و محکمه قرارییلا بیر سلسله سوروشدورما یئریدیلدیگی بیلدیریلدی.
آچیقلامادا، سوروشدورما چرچیوه‌سین‌ده ۳۰دان چوخ شخصین گؤزآلتینا آلیندیغی و آنا تشکیلاتچی و ایدئولوژیک ایلهام قایناغی اولدوغو معین ائدیله‌ن ائلدیک که‌نه‌ش (خالق مجلیسی) پارتیسی باشقانی روزا نورماتووا ایله بیرلیک‌ده ۴ آکتیویستین توتوقلاندیغی ایفاده ائدیلدی.
سؤزو گئدن سوچ هؤرگوتونون اوزون مدتدیر میلیتان ییغماق اوچون چالیشمالار یئریتدیگینین معین ائدیلدیگی بیلدیریلن آچیقلامادا، سیاسی پارتی لیدئرینین اقتداری اله گئچرمه پلانی ایستیقامتینده منتظم اولاراق گیزلی ییغینجاقلار تشکیل ائتدیگی و بو متشکیل قروپون، اؤلکه‌نین فرق‌لی کسیملرین‌دن رول داغیلیمی ائدیلمیش ۱۰۰دن چوخ شخصدن میدانا گلدیگی بیلگیسی پایلاشیلدی.
آچیقلامادا،
"سوچ هؤرگوتونون خاریجی قایناقلاردان مالی دستک آلماغی گؤزله‌دیگی و هر هانسی بیر سببله توپلومدا راحاتسیز‌لیق چیخینجا چئوریلیش گیریشیمینی باشلاتماغی پلانلادیغی" ایفاده‌لرینه یئر وئریلدی.
سؤز قونوسو هؤرگوت عضولری، "سوء قصدچیلر" شکلینده تانیملانیرکن، حادثه ایله باغلی سوروشدورمانین داوام ائتدیگی قید ائدیلدی.