سالیواندان آذربایجان - ارمنیستان دانیشیقلارینا دایر آچیقلاما

آمریکا بیرلشمیش دؤولتلرین‌ده آغ ائو میللی گوونلیک مشاویری جیک سالیوان، آذربایجان و ارمنیستان موذاکیره‌لرین‌ده قید ائدیلن ایرلیله‌مه‌نی سئوینجله قارشیلادیقلارینی بیلدیردی.
سالیوان، توییتردن ائتدیگی پایلاشیمدا، آذربایجان خاریجی ایشلر باخانی جئیحون بایراموو و ارمنیستان خاریجی ایشلر باخانی آرارات میرزویانی، آغ ائوده آغیرلاماق‌دان دویدوقلاری سئوینجی دیله گتیردی.
"ارمنیستان و آذربایجانین موذاکیره‌لرده قید ائتدیگی ایرلیله‌مه‌نی سئوینجله قارشیلاییریق و داوام ائد‌ن دیالوگو تشویق ائدیریک" ایفاده‌سینی ایشله‌دن سالیوان، داوام ائتدیریله‌بیلیر و عدالت‌لی بیر آنلاشمانین، هر ایکی اؤلکه و بؤلگه اوچون فورصتلر آچاجاق بیر آچار اولاجاغینی قید ائتدی.
آمریکا، بازار گونو باشلایان آذربایجان و ارمنیستان آراسین‌داکی موذاکیره‌لره ائو صاحب‌لیگی ائدیر. بو چرچیوه‌ده، خاریجی ایشلر باخانی آنتونی بلینکن، بازار ائرته‌سی گونو آذربایجان و ارمنیستان خاریجی ایشلر باخانلاری ایله بیر آرایا گلمیشدی.
بلینکن، بازار گونو، آذربایجان جمهورباشقانی ایلهام علییئو و ارمنیستان باشباخانی نیکول پاشینیان ایله تلفون‌دا آیری آیری دانیشاراق، لیدئرلره ایکی اؤلکه آراسین‌داکی باریش گؤروشمه‌لرینین اؤنمینی وورغولامیش و آمریکانین دستک سؤزونو تکرارلامیشدی.