واشینگتوندا توپلانان تورکلر ارمنیلره اعتراض ائتدی
ارمنیلر، تورکیهنین واشینگتون ائلچیلیگی و ائلچیلیک ایقامتگاهینین یانیندا آذربایجان ائلچیلیگی قارشیسیندا یوروش تشکیل ائدرک تورکیه و آذربایجان علیهینه پلاکاردلار داشیدی و شعار وئردی
آمریکا بیرلشمیش دؤولتلرینین باشکندی واشینگتوندا توپلانان چوخ ساییدا تورک، ۱۹۱۵ حادثهلری سببی ایله تورکیهنین واشینگتون ائلچیلیگی و ائلچیلیک ایقامتگاهی قارشیسیندا ائیلم گئرچکلشدیرن ارمنیلره اعتراض ائتدی.
هر ایل، ۲۴ آوریلده، ۱۹۱۵ حادثهلرینین ایل دؤنومو سببی ایله آمریکاداکی ارمنی قروپلار تورک نمایندهلیکلرینین قارشیسیندا تحریک ائدیجی یوروشلر و ائیلملر تشکیل ائدیر.
ارمنی قروپلار گلهنکلرینی بو ایل ده پوزمادی.
ائیلمچی قروپلار، تورکیهنین واشینگتون ائلچیلیگی و ائلچیلیک ایقامتگاهینین یانیندا آذربایجان ائلچیلیگی قارشیسیندا یوروش تشکیل ائدرک تورکیه و آذربایجان علیهینه پلاکاردلار داشیدی و شعار وئردی.
تورک وطنداشلاری دا واشینگتون ائلچیلیگی و ائلچیلیک ایقامتگاهینین قارشیسیندا توپلاناراق ارمنی قروپلارا اعتراض ائتدی.
تورکیه و آذربایجان بایراقلاری داشییان تورکلر، مارشلار و شعارلارلا ارمنی قروپلارا اعتراض ائتدی.
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک