تبریزده قیز اوخولوندا ۲۰ اؤیرنجی زهرلندی
"تبریزین باغمئشه بؤلگه‌سینده‌کی بیر اوخولدا ۱۵ یاشین‌دا ۲۰ اؤیرنجی تنفس چتینلیگی و نفس دارلیغی شیکایتی ایله سینا خسته‌خاناسینا قالدیریلدی"
تبریز‌ده‌کی بیر قیز اوخولوندا ۲۰ اؤیرنجینین زهرلندیگی بیلدیریلدی.
ایران‌لی اؤیرنجیلر خبر آژانسینا (ایسنا) گؤره، دوغو آذربایجان اورژانس مرکزی باشقانی عسگر جعفری، مطبوعات منسوبلارینا قونویلا باغلی بیلگی وئردی.
جعفری، "تبریزین باغمئشه بؤلگه‌سینده‌کی بیر اوخولدا ۱۵ یاشین‌دا ۲۰ اؤیرنجی تنفس چتینلیگی و نفس دارلیغی شیکایتی ایله سینا خسته‌خاناسینا قالدیریلدی" دئدی.
اورژانس مرکزی باشقانی، اؤیرنجیلرین عمومی وضعیتینین یاخشی اولدوغونو سؤیله‌دی.
ایران‌دا ۳۰ نوامبر ۲۰۲۲دن بو یانا عمومیتله قیز اؤیرنجیلرین تحصیل آلدیغی اوخوللاردا توپلو زهرله‌نمه حادثه‌لری یاشانیر.
اؤیرنجیلرده تنفس چتینلیگی، اورک بولانماسی، باش آغریسی و عضولرده اویوشما کیمی علائم گؤرولور. بو آنا قدر ۲۳۸ اوخولدا ۵ مین‌دن چوخ اؤیرنجی زهرله‌ندی.
ایران ایچ ایشلری باخانلیغی، ۱۱ مارس‌دا وئردیگی یازیلی آچیقلامادا، تهران، قوم، زنجان، خوزیستان، همدان، فارس، گیلان، باتی آذربایجان، دوغو آذربایجان (تبریز) و رضوی خوراسان ایالتلرینده‌کی اوخوللاردا توپلو زهرله‌نمه حادثه‌لریله باغلانتیلی اولدوقلاری شوبهه‌سی ایله ۱۰۰دن چوخ شخصین گؤزآلتینا آلیندیغینی بیلدیرمیشدی.
ایلگیلی‌لی خبرلر
آذربایجان باشباخانی تورکیه‌ده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیله‌جک
